رۇستەم اشەتاەۆ: زاڭدى وزگەرتپەي، جاعدايدى وزگەرتۋ مۇمكىن ەمەس

4319
Adyrna.kz Telegram
بۇل ۇلكەن سيگنال!
الماتى قالاسىندا سوتتىڭ شەشىمىمەن ۇيىنەن شىعارىلماق بولعان ءۇي ەگەسى مەن زاڭ قىزمەتكەرلەرى اراسىنداعى ماسەلە ۋشىعىپ، سوڭى اتىسقا ۇلاسىپ، سوت ورىنداۋشىسى مەن زاڭ قىزمەتكەرلەرىنەن 5 ادام قايتىس بولعان.
يا! ادام ءولتىرۋ ءسوزسىز قىلمىس.
بۇل قىلمىسقا كىنالى ادام زاڭ الدىندا ءوز جازاسىن الارى حاق.
بىراق، ماسەلە وسىمەن شەشىلە سالماسى دا انىق. ويتكەنى، زاڭنىڭ بارلىعى بانكتەر مەن كرەديتتىك مەكەمەلەر جاعىندا. كەپىلگە قويىپن، قارجى الىپ، ۋاقىتىندا قايتارا المادىڭ با، وندا سەنەن مۇلكىڭدى سوتتىڭ شەشىمىمەن تارتىپ الۋعا تولىق قۇقىلى. ەشكىم ساعان كومەكتەسە المايدى. بۇل جەردە دە ءدال سونداي جاعداي. قيىندىققا تاپ بولعان ادام ءوز مۇلىكىنەن ايىرىلعىسى كەلمەي، "سوڭعى قادامعا" باردى. اقتاپ الۋعا كەلمەيتىن قىلمىسقا باردى. زاڭ قىزمەتكەرلەرىنىڭ كىناسى جوق. ولار ءوز مىندەتىن اتقارۋى كەرەك بولعان. ءوز قىزمەتىن اتقارۋ ۇستىندە قازا بولدى.
بۇل جەردەن شىعاتىن ءبىر-اق جول كورىپ تۇرمىن. ول - زاڭعا وزگەرىس ەنگىزۋ!
ياعني، ەشكىم تۇرعىلىقتى ءۇيىن ەشقانداي بانكتەر مەن قارجى ورتالىقتارىنا كەپىلگە قويا المايتىن ەتىپ زاڭمەن بەكىتىپ قويۋ كەرەك!
قارىزى ءۇشىن كولىگىن السىن، ارتىق جەرى بولسا السىن، بيزنەسىن السىن!
بىراق، باسىنداعى جالعىز باسپاناسىنان ايىرۋعا،(ايىرىلۋىنا) زاڭ جولىمەن ەشقانداي مۇمكىندىك قالدىرماۋىمىز كەرەك!
تەك سول كەزدە عانا بولاشاقتا حالىقتى وسىنداي جايتتاردىڭ بولۋى مەن سوڭعى باسپاناسىنان ايرىلۋىنان قورعاي الامىز.
"ادىرنا" ۇلتتىق پورتالى 
پىكىرلەر