20 qarasha kúni Adyrna ulttyq portalynda «Atyraýlyqtar 1 mıllıard 267 mıllıon teńgege 39 úı satyp almaq» degen maqala jarııalanǵan bolatyn. Sol maqalaǵa qatysty qala ákiminiń orynbasary Serik Nsanbaev jaýap berdi, - dep habarlaıdy Adyrna ulttyq portaly.
Adyrna tilshisi Atyraý qalalyq ákimdigi ótkizgen 1 mıllıard 267 mıllıon teńgelik memlekettik satyp alýdyń tehnıkalyq sıpattamasyndap 3 bólmeli úıdiń alańy 40-60, 2 bólmeli úıdiń alańy 20-40 sharshy metrden kem bolmaýy kerektigi kórsetilgenin, al «Fýnkıonaldyq, tehnıkalyq, sapalyq jáne paıdalaný minezdemesin sıpattaý» degen bólimde úsh bólmeli páterdiń aýdany keminde 97, eki bólmeli páterdiń aýdany 75 sharshy metrden kem bolmaýy qajettigi aıtylǵanyn jazǵan bolatyn.
Artynsha, ákimdikke «Tehnıkalyq sıpattamadaǵy bul sáıkessizdik qatelik pe? Atyraý qalalyq qurylys bólimi úshin 97 sharshy metr men 40-60 sharshy metr aýmaqtyń aıyrmasy joq pa?» degen saýal joldaǵan.
Bul saýalǵa Atyraý qalasy ákiminiń orynbasary Serik Nsanbaev:
«Qala ákimdigi Sizdiń ótinishińizde atalyp otyrǵan másele boıynsha Ulttyq qor jáne oblystyq, respýblıkalyq bıýdjet esebinen 1 267 000,0 myń teńge (redakııa: 1 mıllıard 267 mıllıon teńge) qarajat bólinip, 39 turǵyn úı satyp alynǵan bolatyn. Alaıda tehnıkalyq sıpattamanyń «Lottyń sıpattamasy» bóliminde 3 bólmeli úıdiń alańy 40-60, 2 bólmeli úıdiń alańy 20-40 sharshy metrden kem bolmaýy tıis degen jerinde tehnıkalyq qatelikter oryn alǵandyǵyn habarlaıdy. Osyǵyn sáıkes qazirgi tańda 3 bólmeli páter aýdany keminde 97, 2 bólmeli páterdiń aýdany 75 metrden konkýrsy oınatylyp, merdiger mekeme anyqtalyp, osyǵan sáıkes kelisim shart jasaqtalyp, atalmysh turǵyn úılerdiń barlyǵyn qabyldap alǵandyǵyn habarlaıdy» dep jaýap berdi.
Qanat Birlikuly
Adyrna ulttyq portaly
