Işkı ıster ministrlıgı eldegı alkogol önımderınıŋ ainalymyna baqylaudy küşeitudı ūsyndy. Būl mäsele Qūqyqbūzuşylyqtardyŋ aldyn alu jönındegı vedomstvoaralyq komissiia otyrysynda köterıldı, dep habarlaidy «Adyrna» tılşısı.
Ministr Erjan Sädenovtıŋ aituynşa, qoǧamdyq oryndarda ışımdık ışuge qatysty 107 myŋ qūqyqbūzuşylyq anyqtalyp, 11 myŋ adamǧa alkogol qoldanuǧa tyiym salynǧan.
– Qoǧamda ışımdıkke tözbeuşılıktı qalyptastyru üşın jūrtşylyq tartyluda. Bügınde 402 eldı meken alkogolden bas tartty, – dedı ministr.
Polisiia biyl alkogol ainalymyna qatysty 7 myŋǧa juyq zaŋbūzuşylyqtyŋ jolyn kesken. Käsıpkerlerge 370 million teŋge kölemınde aiyppūl salynyp, 2 252 nysan lisenziiasynan aiyrylǧan.
Ministrlık keibır käsıpkerdıŋ lisenziiany basqa tūlǧalarǧa räsımdeu nemese barlardyŋ atyn jamylu arqyly täulık boiy alkogol satudy jalǧastyryp jatqandaryn mälımdedı. Osyǧan bailanysty IIM lisenziia beruge qoiylatyn talaptardy küşeitu, alkogol önımderın tek jūmys uaqytynda şekteulı arnaiy dükenderde satudy qarastyru turaly ūsynys bıldırdı.
