26 qarashada elimizdiń bas advokattyǵyna saılaý ótpek - Sábıt RYSBAEV

639

Respýblıkalyq advokattar alqasyna  búgingi kúnge deıin basshy saılanǵan joq. Ústimizdegi jyldyń 26 –shy qarashasynda elimizdiń bas advokattyǵyna saılaý ótpek.

Búgingi tańda respýblıkalyq advokattar alqasynyń tóraǵalyǵyna  kandıdat retinde 5 úmitker tirkeldi.

Olar:
1.Aıdyn Bıkebaev
2.Esbergen Alaýhanov
3.Aıman Ýmarova
5.Meıram Shaımerdenov
7.Ásel Toqaeva.

Bir eldiń quqyq salasynda oıyp alar orny bar qazaqstandyq advokatýrany qazirgi tańdaǵy tyǵyryqtan kim alyp shyǵady, mundaı úlken jaýapkershilikti senip tapsyrý úshin kandıdattyń  boıynda qandaı qasıetter bolý kerek?

“Elimizdiń advokatýrasyn jańa beleske kóterý úshin birinshi basshynyń boıynda tereń bilim, biliktilik, tájirıbe, prınıpshildik, jańashyldyq, sonymen qatar, zań shyǵarýshy, atqarýshy, quqyq salasyndaǵy barlyq organdarǵa óz kózqarasyn saýatty, ári mádenıetti túrde jetkize alatyn, olarmen teń dárejede sóz talastyra alatyn, salaǵa shyn jany ashıtyn, ishki, syrtqy problemalardy aqylmen sheshe alatyn  parasat-paıym, adamı qasıet bolý kerek”-dep pikir aıtypty advokattar qaýymdastyǵynyń ókilderi.

Joǵaryda atap ótken kóshbasshylyq qasıetter qaı kandıdattyń boıynda basymyraq dep zertteý júrgizdik. Jelilerde jaryq kórip jatqan advokattardyń pikirine de nazar aýdardyq. Saılaýaldy baǵdarlamalaryn zerdeledik.

Nazarymyzdy aýdarǵan kandıdattardyń biri ári biregeıi – Aıdyn Bıkebaev boldy.

«Shyn máninde óz mamandyǵynyń ıesi, óz isiniń mamany, biliktiligi de, bilimi de, tájirıbesi men aqyl-parasaty jetkilikti azamat» - dep baǵa beripti kóptegen advokattyq qaýymdastyqtyń ókilderi.

Aıdyn Jolshyuly  qazirgi tańda Joǵarǵy Sot Keńesiniń sýdıalyqqa úmitkerlerdi irikteıtin biliktilik komıssııasynyń tóraǵasy. Buǵan deıin bul komıssııanyń tóraǵalary oblystyq sottardyń tóraǵalary, Joǵarǵy Sottyń sýdıalary bolyp kelgen.

Tarıhta birinshi ret sýdıalyqqa qandıdattardyń biliktiligin tekseretin komıssııa tóraǵalyǵy advokatqa senip tapsyryldy.

Munyń ózi kandıdattyń biliktilik deńgeıiniń  kórsetkishi bolsa kerek.

2002 jyldan bastap, Almaty qalalyq advokattar alqasynyń múshesi jáne «Saıat Jolshy jáne Seriktester» advokattyq keńsesiniń basqarýshy seriktesi bolǵan.

A.Bıkebaev “Almaty advokattary» jýrnalyn shyǵarýǵa bastamashy, onyń redaktory jáne demeýshisi.

Aıdyn myrza qurǵan advokattyq keńsemiz senimdi jáne kásibı seriktes retinde The Legal 500, Chambers Global, Asia Law, IFLR advokattyq kontoralarynyń barlyq bedeldi halyqaralyq reıtıngterine kiredi.

Bul advokattyq keńse kóptegen praktıkalar boıynsha qazaqstandyq iri zań fırmalarymen ǵana emes, halyqaralyq advokattyq fırmalarmen de tabysty básekelesetin keńse retinde sanalady.

Kóptegen jyldar boıy A.Bıkebaev halyqaralyq «Who’s who legal» baspasynan Qazaqstan Respýblıkasynyń básekelestik (monopolııaǵa qarsy) quqyq salasyndaǵy sarapshy retinde usynylǵan jalǵyz maman boldy.

Nazarymyzdy aýdarǵan úmitker
jyl saıyn «Saıat Jolshy jáne Seriktester» advokattary shyǵaratyn «Qazaqstanda bıznes júrgizýdiń quqyqtyq negizderi» atty kitap-anyqtamasynyń redaktory jáne ózekti quqyqtyq máseleler boıynsha 70-ten astam ǵylymı jáne pýblııstıkalyq maqalalardyń avtory eken.

Ne de bolsa, respýblıkalyq advokattar alqasynyń basshylyǵyna biligi men bilimi saı, advokatýra ınstıtýtyn álemdik deńgeıge saı jańa beleske kóteretin óz isiniń mamany kelse degen tilegimiz bar.

Sábıt RYSBAEV

Pikirler
Uqsas jańalyqtar