Şymkentte orta mektep direktory men bas buhgalterı 8 jylǧa sottaldy. Būl turaly qalalyq sot mälımdedı, dep habarlaidy “Adyrna” ūlttyq portaly.
Mälımet boiynşa olar özara söz bailasyp, ırı kölemde biudjet qarajatyn jymqyrǧan, sondai-aq mūǧalımnen para alǧan.
"Direktor men bas buhgalter aldyn ala söz bailasyp, 2022 jyldyŋ aqpanynan 2024 jyldyŋ tamyzyna deiın asa ırı mölşerde materialdyq paida alu maqsatynda mūǧalımderdıŋ jalaqysyn esepteu kezınde olarǧa artyq aqşa audarǧan. Buhgalter būl qarajatty özınıŋ şottaryna, sondai-aq jaqyn tuystaryna audaryp, keiın qolma-qol aqşaǧa aiyrbastaǧan ", - dep jazylǧan habarlamada.
Memleketke keltırılgen jalpy şyǧyn 71 mln teŋgeden asty.
"Sonymen qatar 2022 jyly direktor özınıŋ oqu bölımı boiynşa orynbasary arqyly mūǧalımnıŋ dekrettık demalystan merzımınen būryn şyqqany üşın 150 myŋ teŋge kölemınde para alǧan", - deidı qalalyq sot.
Sot ükımımen mektep direktory men bas buhgalterdıŋ ärqaisysy 8 jylǧa bas bostandyǧynan aiyryldy.
Sondai-aq olar memlekettık qyzmette jäne memlekettık mekemelerde qyzmet etu qūqyǧynan ömır boiyna aiyryldy.
Ūqsas jaŋalyqtar
