Qyzylorda oblysy Aral audanynda tūratyn Renat Jetkergenov äskerge sau ketıp, üiıne esı auysyp kelgen. Būl turaly “Adyrna” ūlttyq portaly Astana telearnasyna sılteme jasap habarlaidy.
Renattyŋ äskerdegı dosy batyldyq tanytyp, şyn mänınde äskerde ne bolǧanyn aityp berdı.
Qazırgı taŋda Renattyŋ äskerden osyndai küide keluıne bailanysty qylmystyq ıs qozǧalyp, tergeu amaldary jürıp jatyr.
QR Qorǧanys ministrlıgı 19 jastaǧy jıgıt äskerde zorlyq-zombylyq kördı degenmen kelıspeidı. Basynda oqiǧaǧa qatysty pıkır bıldıruden at-tondaryn alyp qaşqan äskeriler endı jaǧdaidy tüsındırıp berdı.
Eske salsaq, būǧan deiın Renattyŋ jaqyndary ūldarynyŋ äskerden esınen aljasyp qaitqanyn aityp, dabyl qaqqan.
Äskerden qaituyna 8 kün qalǧanda Renatty tört äskeri äkep tastaǧan. Äskerilerdıŋ bırı Amangeldı Köpjannyŋ aituynşa, Renattyŋ kiımı bütın bolǧan, aiaǧyna yŋǧaily bolu üşın jazdyq aiaq-kiım kigen. Sebebı, būǧan deiın onyŋ jaqyndary Renatty körgende ony tanymai qalǧandaryn aitqan.
Äskeridıŋ aituynşa, äkesı Renattyŋ densaulyǧy turaly bılmegen. Ony kütıp aluǧa aǧasy kelgen.
– Ol jerde sol kısınıŋ aǧasy boldy Baqtiiar degen. Sol kısı aitady da: «bır äulie bar dep. Men sol äulieden qoŋyrau şalyp sūradym. Sender ony qamaǧansyŋdar, ūrǧansyŋdar, sosyn esınen aljastyryp jıbergensıŋder» deidı. Ūryp jıbersek ol jerge baryp ne qylamyz? – dedı divizion komandirınıŋ TJİJ boiynşa orynbasary Amangeldı Köpjan.
Aqtau qalasyndaǧy 25/744 Teŋız jaiau äskerlerı bölımınıŋ qyzmetkerlerı «balany ūrmadyq» deidı. Tıptı ony däleldeu üşın ony medisinalyq tekseruge alyp baraiyq dep ūsynys ta jasaǧan. Bıraq Renattyŋ jaqyndary oǧan qūlaq aspai, olardy sūraq astyna alǧan.
Būǧan deiın jıgıttıŋ äskerge qabyldanǧan kezınde densaulyǧy jaqsy bolǧany aitylǧan. Onyŋ äskerge qalai qabyldanǧany turaly audandyq qorǧanys ısterı jönındegı bölımnıŋ basşysy aityp berdı.
«Oblystyq komissiianyŋ qorytyndysy boiynşa «A» belgısımen, iaǧni jaramdy bolyp öttı. Bırınşı satydaǧy jaramdy bala. Psihologiialyq testıleuden de jaqsy ötken» deidı Qyzylorda oblysy Aral audandyq qorǧanys ısterı jönındegı bölım basşysy Bauyrjan Quatov.
Äskeri bölım qyzmetkerlerı men Qorǧanys ministrlıgı ne dese de Renattyŋ äskerde bırge bolǧan qarulas dosy mülde basqaşa mälımdeme aitty. Onyŋ aituynşa, Renat äskerden üige qaituǧa bır apta qalǧanda komandirlermen sözge kelısıp qalǧan. Keiın mülde körınbei ketıp, tek qaitatyn kezde paida bolǧan.
– Sözge kelıp qalǧan künnen bastap Renatty alyp kettı bölımnıŋ syrtyndaǧy kazarmaǧa. Sodan bastap Renatty bır apta körmedık. Poiyzda körgen kezde Renat basqa jaǧdaida boldy. Baiaǧy bır jyl qyzmet ketken Renat joq. Türı basqa, tanymai qaldyq ony, – deidı Renattyŋ äskerdegı joldasy Bekarys Taŋatarov.
Tuystarynyŋ aituynşa, äskerde ony 8 kün boiy qinaǧan. Ony tıptı «esı auysqan» Renattyŋ özı de abaisyzda aityp qalǧan. Qūlaǧyn tesıp, «äiel etıp alamyz» degen körınedı.
Būl jaǧdaidy estıgen 19 jastaǧy jıgıttıŋ ata-anasy tiıstı organdarǧa şaǧym tüsırgen. Qazır tergeu amaldary jürıp jatyr.
«Qylmystyq ıs aiasynda tiıstı saraptamalar jürgızılıp Renat Jetkergenovtyŋ tuystarynyŋ barlyq tūjyrymdary mūqiiat tekserıledı. Sondai-aq tergeudıŋ tolyqtyǧy men obektivtılıgın qamtamasyz etuge baǧyttalǧan basqa da tergeu ıs-şaralary jürgızıletın bolady» dep mälımdedı QR QK äskeri polisiia basqarmasy basşysynyŋ orynbasary Beken Şyntıleuov.
Eske salsaq, būǧan deiın Qyzylorda oblysynda äskerden kelgen 19 jastaǧy jıgıttıŋ esı auysqany turaly aitylǧan. Belgılı bolǧandai, būl Aqtaudaǧy 25/744 äskeri bölımınde bolyp otyrǧan bırınşı jaǧdai emes.
https://youtu.be/fHR2drWtWWY“Adyrna” ūlttyq portaly
