Foto eldıŋ densaulyq saqtau ministrlıgınen
Gaza sektorynda atysty toqtatu turaly kelısımge qaramastan, äskeri şabuyldar jalǧasyp jatyr, dep habarlaidy “Adyrna”.
Şeteldık BAQ deregınşe, 12 qaraşaǧa qaraǧan tünı İzrail äskeri ūşaqtary sektordyŋ oŋtüstıgındegı Han-Iýnis qalasynda ornalasqan «Nasser» medisinalyq keşenıne soqqy jasady. Saldarynan alty palestinalyq qaza tauyp, 28 adam jaralandy.
Gaza sektorynyŋ densaulyq saqtau ministrlıgınıŋ mälımetınşe, qaza tapqandardyŋ arasynda bır därıger men 13 jastaǧy bala bar. Soqqy auruhananyŋ hirurgiialyq ǧimaratynyŋ ekınşı qabatyna tigen. Zardap şekkender men qaza tapqandar arasynda medisina qyzmetkerlerı, nauqastar jäne olardyŋ tuystary bolǧan.
İzrail qorǧanys küşterı şabuyldy rastady. Äskerilerdıŋ mälımdeuınşe, nysana HAMAS brigadasynyŋ komandirı Mūhammed Äbu İsmail jäne medisinalyq keşen aumaǧynda bolǧan özge de ūiym müşelerı bolǧan. Sondai-aq İzrail tarapy HAMAS auruhanany äskeri maqsatta paidalanǧanyn alǧa tartty.
Al HAMAS būl aiyptaulardy joqqa şyǧaryp, şabuyldy soǧys qylmysy dep baǧalady. Ūiym ökılderı halyqaralyq deldaldar men AQŞ äkımşılıgın atysty toqtatu turaly kelısımnıŋ oryndaluyn qamtamasyz etuge şaqyrdy.
Şabuyl saldarynan auruhananyŋ bırqatar bölımşesınıŋ jūmysy toqtaǧan. Medisinalyq keşen direktory Ahmed äl-Farranyŋ aituynşa, operasiialyq bölmeler, radiologiia bölımderı, zerthanalar men hirurgiialyq stasionar zaqymdanǧan.
