Ortalyq öŋırlık äskeri-tergeu basqarmasy QR Ūlttyq ūlannyŋ №5516 äskeri bölımındegı sarbaz ölımıne qatysty sotqa deiıngı tergeu ısterın jürgızıp jatyr, dep habarlaidy “Adyrna” ūlttyq portaly zakon.kz saityna sılteme jasap.
2021 jyldyŋ 21 qazanynda, saǧat 01.30 şamasynda azamattyq boryşyn ötep jatqan sarbaz Oŋǧarov S.B. postta tūrǧan kezde basyna oq tiıp, jaraqattandy. Äskeri qyzmetker şūǧyl türde qalalyq auruhanaǧa jetkızıldı, ökınışke qarai, qabyldanǧan şaralarǧa qaramastan ony qūtqaru mümkın bolmady. Saǧat 02.20-da sarbazdyŋ ölımı tırkeldı, - dep habarlady QR Ūlttyq ūlanynyŋ "Ortalyq" Öŋırlık qolbasşylyǧynyŋ baspasöz qyzmetı.
Öŋırlık qolbasşylyq qyzmettık tergeu taǧaiyndaǧany atap ötıledı.
Qaiǧyly oqiǧanyŋ sebepterı men saldary anyqtaluda.
Marqūm 20 jasta bolǧan. Jıgıt Türkıstan oblysy Maqtaaral audanynan äskeri boryşyn öteuge kelgen. Marqūmnyŋ tuystary öz-özıne qol jūmsauy yqtimal degen dolbarǧa senbeidı.
Bas qolbasşylyq, Ūlttyq ūlannyŋ "Ortaldyq" Öŋırlık qolbasşylyǧy marqūm sarbazdyŋ otbasy men jaqyndaryna qaiǧylaryna ortaqtasa otyryp, köŋıl aitady.
“Adyrna” ūlttyq portaly
Ūqsas jaŋalyqtar
