Ortalyq óńirlik áskerı-tergeý basqarmasy QR Ulttyq ulannyń №5516 áskerı bólimindegi sarbaz ólimine qatysty sotqa deıingi tergeý isterin júrgizip jatyr, dep habarlaıdy “Adyrna” ulttyq portaly zakon.kz saıtyna silteme jasap.
2021 jyldyń 21 qazanynda, saǵat 01.30 shamasynda azamattyq boryshyn ótep jatqan sarbaz Ońǵarov S.B. postta turǵan kezde basyna oq tıip, jaraqattandy. Áskerı qyzmetker shuǵyl túrde qalalyq aýrýhanaǵa jetkizildi, ókinishke qaraı, qabyldanǵan sharalarǵa qaramastan ony qutqarý múmkin bolmady. Saǵat 02.20-da sarbazdyń ólimi tirkeldi, - dep habarlady QR Ulttyq ulanynyń "Ortalyq" Óńirlik qolbasshylyǵynyń baspasóz qyzmeti.
Óńirlik qolbasshylyq qyzmettik tergeý taǵaıyndaǵany atap ótiledi.
Qaıǵyly oqıǵanyń sebepteri men saldary anyqtalýda.
Marqum 20 jasta bolǵan. Jigit Túrkistan oblysy Maqtaaral aýdanynan áskerı boryshyn óteýge kelgen. Marqumnyń týystary óz-ózine qol jumsaýy yqtımal degen dolbarǵa senbeıdi.
Bas qolbasshylyq, Ulttyq ulannyń "Ortaldyq" Óńirlik qolbasshylyǵy marqum sarbazdyń otbasy men jaqyndaryna qaıǵylaryna ortaqtasa otyryp, kóńil aıtady.
“Adyrna” ulttyq portaly
