Foto Jİ kömegımen jasalǧan
NVIDIA kompaniiasynyŋ bas direktory Djensen Huang qyzmetınen ketıp, direktorlar keŋesınıŋ qūramynan şyǧady. Būl turaly kompaniianyŋ resmi saityndaǧy mälımdemede aitylǧan, dep habarlaidy "Adyrna".
Bas direktordyŋ mındetın uaqytşa kompaniianyŋ qarjy direktory Kolett Kress atqarady. Ol qarjy direktory qyzmetın de jalǧastyrady. Al direktorlar keŋesı jaŋa tūraqty basşyny ızdeuge kırısken. Ümıtkerler qatarynda kompaniianyŋ ışkı mamandary men syrttan şaqyrylatyn kandidattar bar.
Sonymen qatar NVIDIA direktorlar keŋesı tarihynda alǧaş ret keŋes töraǧasy taǧaiyndaldy. Būl qyzmetke būǧan deiın Synopsys kompaniiasynyŋ bas direktory ärı direktorlar keŋesınıŋ atqaruşy töraǧasy bolǧan käsıpker jäne investor Harvi Djons keldı.
Kompaniia mälımdemesınde jūmys üderısı qalypty jalǧasatyny aitylǧan. Atap aitqanda, klientter aldyndaǧy mındettemeler oryndalyp, önımderdı äzırleu men şyǧaru jospary jüzege asyrylady. NVIDIA ökılderı Djensen Huangqa kompaniia men tehnologiia salasynyŋ damuyna qosqan ülesı üşın alǧys bıldırdı.
Aita keteiık, NVIDIA — 1993 jyly qūrylǧan amerikalyq tehnologiialyq kompaniia.
Būǧan deiın NVIDIA basşysynyŋ AQŞ arnaiy qyzmetterı Qytai barlau agentı dep sanaityn äielmen bailanysy bolǧany turaly aqparat taraǧan. Keiın Djensen Huang nekedegı adaldyqty būzǧanyn moiyndap, otbasy men kompaniia qyzmetkerlerınen keşırım sūraǧany habarlandy.
