Qazaqstanda terrorızm jáne dinı ekstremızmmen kúres úshin 2018-2022 jyldar aralyǵynda 286 mıllıard 981,6 mıllıon teńge jumsaý josparlanyp otyr, dep habarlaıdy "Ult aqparat".
QR Ulttyq qaýipsizdik komıteti dinı ekstremızm men terrorızmge qarsy is-qımyl jónindegi 2018 - 2022 jyldarǵa arnalǵan memlekettik baǵdarlamany ázirledi. Is-shara jospary Ashyq NQA portalynda jarııalandy. Endi ony elimizdiń kez kelgen turǵyny 6 aqpanǵa deıin talqylaı alady. Baǵdarlamany ázirleý kezinde Norvegııanyń, Fınlıandııanyń, Kanadanyń, Amerıka Qurama Shtattary men Birikken Arab Ámirlikteriniń oń tájirıbesi zerdelendi jáne nazarǵa alyndy.
«Baǵdarlamany iske asyrýǵa 2018 - 2022 jyldary respýblıkalyq jáne jergilikti bıýdjetterdiń, sondaı-aq Qazaqstan Respýblıkasynyń zańnamasymen tyıym salynbaǵan basqa da qarajattar jumsalatyn bolady. Baǵdarlamany iske asyrýǵa bıýdjetten jumsalatyn jalpy shyǵyndar 286 981,6 mln teńgeni quraıdy. Atap aıtqanda, respýblıkalyq bıýdjetten 226 294,2 mln teńge, jergilikti bıýdjetten 60 687,4 mln teńge qarastyrylǵan. Respýblıkalyq jáne jergilikti bıýdjetterden qarjylandyrý kólemi tıisti kezeńge bıýdjet qalyptastyrylatyn kezde naqtylanatyn bolady», - dep jazylǵan qujatta.
| № | Qarjylandyrý kózi | 2018jyl | 2019
jyl |
2020jyl | 2021jyl | 2022jyl | Barlyǵy |
| 1. | Respýblıkalyq bıýdjet (mln. teńge) | 52
723,3 |
49
194,9 |
18
348,6 |
51
364,5 |
54
662,7 |
226
294,2 |
| 2. | Jergilikti bıýdjet (mln. teńge) | 23
884,6 |
14
736,8 |
11
636,0 |
6
097,6 |
4
332,4 |
60
687,4 |
| BARLYǴY: | 76
607,9 |
63
913,7 |
29
984,6 |
55
179,2 |
56
712,2 |
286
981,6 |
Baǵdarlama aıasynda kelesideı maqsattar oryndalmaq:
qoǵamda radıkaldyq kórinisterge múldem tózbeýshilikti jáne radıkaldyq ıdeologııaǵa degen ımmýnıtetti qalyptastyrýǵa baǵyttalǵan dinı ekstremızm men terrorızmniń aldyn alý sharalaryn jetildirý;
tirkelmegen dinı toptarmen jáne qaýymdarmen, sonyń ishinde radıkaldyq ıdeologııaǵa degen ımmýnıtetti qalyptastyrýǵa jáne dinı arazdyqty nemese alaýyzdyqty órshitýge jol bermeýge baǵyttalǵan dinı birlestikterdi tarta otyryp, aqparattyq-túsindirý jumystaryn uıymdastyrý;
halyqqa dinı qatynastar salasynda konsýltatıvtik kómek kórsetýge baǵyttalǵan biryńǵaı respýblıkalyq «114 - qaýyrt jelisiniń», radıkaldyq ıdeologııadan zardap shekken adamdardy áleýmettik ońaltý jáne beıimdeý ortalyǵynyń jumys isteýin qamtamasyz etý, sondaı-aq sottalǵan adamdarmen jáne olardyń jaqyn ortasymen jumys júrgizý úshin óńirlerde ókildikterin qurý;
qylmystyq-atqarý mekemelerinde teologııalyq ońaltý jumysyn uıymdastyrý jónindegi bólimsheniń qyzmetin jetildirý jáne qylmystyq-atqarý júıesiniń mekemelerinde jazasyn ótep jatqan sottalǵan adamdarmen, onyń ishinde radıkaldyq ıdeologııaǵa degen ımmýnıtetti qalyptastyrýǵa baǵyttalǵan dinı birlestikterdiń qatysýymen aqparattyq-túsindirý jumystaryn uıymdastyrý;
Internet jáne áleýmettik jeliler arqyly radıkaldyq ıdeologııaǵa degen ımmýnıtetti, dinı qatynastar salasyndaǵy radıkaldyq kórinisterge múldem tózbeýshilikti qalyptastyrýǵa jáne radıkalsyzdandyrýǵa baǵyttalǵan aqparattyq-túsindirý jumystaryn júrgizý, onyń ishinde mynadaı joldarmen:
1) dinı alaýyzdyqty nemese arazdyqty jandandyrýǵa, terrorızm men ekstremızm ıdeıalaryn nasıhattaý túrlerin, ádisteri men tásilderin áshkereleýge baǵyttalǵan terrorızm men ekstremızm ıdeıalarynyń qaýiptiligin túsindirý; 2) memlekettik áleýmettik tapsyrys, sondaı-aq dinı birlestikter arqyly úkimettik emes uıymdardy tartý; 3) jańalyqtardy jarııalaıtyn portaldarda, áleýmettik jelilerde, sonyń ishinde tanymal blogerler men qoǵamdyq pikir jetekshileri arqyly aqparattyq-túsindirý jáne qarsy nasıhat materıaldaryn taratý; 4) jastar úshin aqparattyq-túsindirý jáne qarsy nasıhat materıaldarynyń kórneki ádisterin (rolıkter, beınematerıaldar), oıyn elementteri men ınteraktıvtik ádisterdi paıdalaný; 5) áleýmettik jelilerde akkaýnttardyń súıemeldeýin uıymdastyrý jáne terrorızmge qarsy taqyryp boıynsha memlekettik organdardyń, ǵylymı-saraptamalyq qoǵamdastyq pen dinı birlestikterdiń ókilderin sóz sóıleýlerin ornalastyrý.
