2024 jylǵy 25 qarashada Jezqazǵan qalasy ákimdiginiń úlken májilis zalynda “Ulytaý oblysy qoǵamdyq damý basqarmasy Óńirlik kommýnıkaııalar qyzmeti” KMM uıymdastyrýymen “Memlekettik organdardyń baspasóz qyzmetteriniń kommýnıkaııasy jáne kásibı strategııasy” taqyrybynda semınar-trenıng ótti.
Semınardyń maqsaty – óńirlik deńgeıde buqaralyq aqparat quraldarynyń (BAQ) azamattyq qoǵam ınstıtýty retindegi rólin arttyrý jáne memlekettik organdardyń BAQ-pen jáne qoǵammen áriptestigin damytý.
Semınarda lektor retinde Perızat Qurmanqyzy Sádýaqas, Qazaqstan Respýblıkasy Joǵarǵy Sotynyń Kommýnıkaııa bóliminiń meńgerýshisi, tarıh ǵylymdarynyń kandıdaty, “Qurmet” ordeniniń ıegeri, aqparat salasyndaǵy tájirıbeli maman sóz sóıledi.
Trenıngtiń negizgi baǵyttary:
1. Memlekettik aqparattyq saıasattyń negizgi qaǵıdalary, medıa tutyný jáne medıa saýattylyq máseleleri;
2. Memlekettik organdardaǵy baspasóz hatshylarynyń kommýnıkaııa daǵdylaryn damytý;
3. Sot proesterine BAQ-tyń qatysý tártibin jáne tıimdi kommýnıkaııa tetikterin qalyptastyrý;
4. Ashyq sot proesterin onlaın kórsetý tájirıbesi;
5. Brıfıngterge júıeli aqparattyq kún tártibin qalyptastyrý jáne spıker daıyndaý tártibi.
Semınar barysynda qatysýshylar kásibı daǵdylaryn jetildirip, ózekti máselelerdi talqylaýǵa múmkindik aldy. Qatysýshylar semınar sońynda lektorǵa suraqtar qoıyp, naqty jaýaptar aldy.
Semınar qorytyndysy boıynsha barlyq qatysýshylarǵa Alǵys hat tabystaldy.
