ەلىمىزدە تەرروريزممەن كۇرەس ءۇشىن 286 ميلليارد تەڭگە جۇمسالماق

1902
Adyrna.kz Telegram

قازاقستاندا تەرروريزم جانە ءدىني ەكسترەميزممەن كۇرەس ءۇشىن 2018-2022 جىلدار ارالىعىندا 286 ميلليارد 981,6 ميلليون تەڭگە جۇمساۋ جوسپارلانىپ وتىر، دەپ حابارلايدى "ۇلت اقپارات".

قر ۇلتتىق قاۋىپسىزدىك كوميتەتى ءدىني ەكسترەميزم مەن تەرروريزمگە قارسى ءىس-قيمىل جونىندەگى 2018 - 2022 جىلدارعا ارنالعان مەملەكەتتىك باعدارلامانى ازىرلەدى. ءىس-شارا جوسپارى اشىق نقا پورتالىندا جاريالاندى. ەندى ونى ەلىمىزدىڭ كەز كەلگەن تۇرعىنى 6 اقپانعا دەيىن تالقىلاي الادى. باعدارلامانى ازىرلەۋ كەزىندە نورۆەگيانىڭ، فينليانديانىڭ، كانادانىڭ، امەريكا قۇراما شتاتتارى مەن بىرىككەن اراب امىرلىكتەرىنىڭ وڭ تاجىريبەسى زەردەلەندى جانە نازارعا الىندى.

«باعدارلامانى ىسكە اسىرۋعا 2018 - 2022 جىلدارى رەسپۋبليكالىق جانە جەرگىلىكتى بيۋدجەتتەردىڭ، سونداي-اق قازاقستان رەسپۋبليكاسىنىڭ زاڭناماسىمەن تىيىم سالىنباعان باسقا دا قاراجاتتار جۇمسالاتىن بولادى. باعدارلامانى ىسكە اسىرۋعا بيۋدجەتتەن جۇمسالاتىن جالپى شىعىندار 286 981,6 ملن تەڭگەنى قۇرايدى. اتاپ ايتقاندا، رەسپۋبليكالىق بيۋدجەتتەن 226 294,2 ملن تەڭگە، جەرگىلىكتى بيۋدجەتتەن 60 687,4 ملن تەڭگە قاراستىرىلعان. رەسپۋبليكالىق جانە جەرگىلىكتى بيۋدجەتتەردەن قارجىلاندىرۋ كولەمى ءتيىستى كەزەڭگە بيۋدجەت قالىپتاستىرىلاتىن كەزدە ناقتىلاناتىن بولادى»، - دەپ جازىلعان قۇجاتتا.

 

قارجىلاندىرۋ كوزى 2018جىل 2019

جىل

2020جىل 2021جىل 2022جىل بارلىعى
1. رەسپۋبليكالىق بيۋدجەت (ملن. تەڭگە) 52

723,3

49

194,9

18

348,6

51

364,5

54

662,7

226

294,2

2. جەرگىلىكتى بيۋدجەت (ملن. تەڭگە) 23

884,6

14

736,8

11

636,0

6

097,6

4

332,4

60

687,4

بارلىعى: 76

607,9

63

913,7

29

984,6

55

179,2

56

712,2

286

981,6

باعدارلاما اياسىندا كەلەسىدەي ماقساتتار ورىندالماق:

قوعامدا راديكالدىق كورىنىستەرگە مۇلدەم توزبەۋشىلىكتى جانە راديكالدىق يدەولوگياعا دەگەن يممۋنيتەتتى قالىپتاستىرۋعا باعىتتالعان ءدىني ەكسترەميزم مەن تەرروريزمنىڭ الدىن الۋ شارالارىن جەتىلدىرۋ;

تىركەلمەگەن ءدىني توپتارمەن جانە قاۋىمدارمەن، سونىڭ ىشىندە راديكالدىق يدەولوگياعا دەگەن يممۋنيتەتتى قالىپتاستىرۋعا جانە ءدىني ارازدىقتى نەمەسە الاۋىزدىقتى ورشىتۋگە جول بەرمەۋگە باعىتتالعان ءدىني بىرلەستىكتەردى تارتا وتىرىپ، اقپاراتتىق-ءتۇسىندىرۋ جۇمىستارىن ۇيىمداستىرۋ;

حالىققا ءدىني قاتىناستار سالاسىندا كونسۋلتاتيۆتىك كومەك كورسەتۋگە باعىتتالعان بىرىڭعاي رەسپۋبليكالىق «114 - قاۋىرت جەلىسىنىڭ»، راديكالدىق يدەولوگيادان زارداپ شەككەن ادامداردى الەۋمەتتىك وڭالتۋ جانە بەيىمدەۋ ورتالىعىنىڭ جۇمىس ىستەۋىن قامتاماسىز ەتۋ، سونداي-اق سوتتالعان ادامدارمەن جانە ولاردىڭ جاقىن ورتاسىمەن جۇمىس جۇرگىزۋ ءۇشىن وڭىرلەردە وكىلدىكتەرىن قۇرۋ;

قىلمىستىق-اتقارۋ مەكەمەلەرىندە تەولوگيالىق وڭالتۋ جۇمىسىن ۇيىمداستىرۋ جونىندەگى بولىمشەنىڭ قىزمەتىن جەتىلدىرۋ جانە قىلمىستىق-اتقارۋ جۇيەسىنىڭ مەكەمەلەرىندە جازاسىن وتەپ جاتقان سوتتالعان ادامدارمەن، ونىڭ ىشىندە راديكالدىق يدەولوگياعا دەگەن يممۋنيتەتتى قالىپتاستىرۋعا باعىتتالعان ءدىني بىرلەستىكتەردىڭ قاتىسۋىمەن اقپاراتتىق-ءتۇسىندىرۋ جۇمىستارىن ۇيىمداستىرۋ;

ينتەرنەت جانە الەۋمەتتىك جەلىلەر ارقىلى راديكالدىق يدەولوگياعا دەگەن يممۋنيتەتتى، ءدىني قاتىناستار سالاسىنداعى راديكالدىق كورىنىستەرگە مۇلدەم توزبەۋشىلىكتى قالىپتاستىرۋعا جانە راديكالسىزداندىرۋعا باعىتتالعان اقپاراتتىق-ءتۇسىندىرۋ جۇمىستارىن جۇرگىزۋ، ونىڭ ىشىندە مىناداي جولدارمەن:

1) ءدىني الاۋىزدىقتى نەمەسە ارازدىقتى جانداندىرۋعا، تەرروريزم مەن ەكسترەميزم يدەيالارىن ناسيحاتتاۋ تۇرلەرىن، ادىستەرى مەن تاسىلدەرىن اشكەرەلەۋگە باعىتتالعان تەرروريزم مەن ەكسترەميزم يدەيالارىنىڭ قاۋىپتىلىگىن ءتۇسىندىرۋ;
2) مەملەكەتتىك الەۋمەتتىك تاپسىرىس، سونداي-اق ءدىني بىرلەستىكتەر ارقىلى ۇكىمەتتىك ەمەس ۇيىمداردى تارتۋ;
3) جاڭالىقتاردى جاريالايتىن پورتالداردا، الەۋمەتتىك جەلىلەردە، سونىڭ ىشىندە تانىمال بلوگەرلەر مەن قوعامدىق پىكىر جەتەكشىلەرى ارقىلى اقپاراتتىق-ءتۇسىندىرۋ جانە قارسى ناسيحات ماتەريالدارىن تاراتۋ;
4) جاستار ءۇشىن اقپاراتتىق-ءتۇسىندىرۋ جانە قارسى ناسيحات ماتەريالدارىنىڭ كورنەكى ادىستەرىن (روليكتەر، بەينەماتەريالدار), ويىن ەلەمەنتتەرى مەن ينتەراكتيۆتىك ادىستەردى پايدالانۋ;
5) الەۋمەتتىك جەلىلەردە اككاۋنتتاردىڭ سۇيەمەلدەۋىن ۇيىمداستىرۋ جانە تەرروريزمگە قارسى تاقىرىپ بويىنشا مەملەكەتتىك ورگانداردىڭ، عىلىمي-ساراپتامالىق قوعامداستىق پەن ءدىني بىرلەستىكتەردىڭ وكىلدەرىن ءسوز سويلەۋلەرىن ورنالاستىرۋ.


"ۇلت اقپارات".

پىكىرلەر