Reseıdiń "Izvestııa" basylymy Qazaqstan Prezıdenti Qasym-Jomart Toqaevtyń «Qazaqstan men Reseı: strategııalyq seriktestiktiń jańa kókjıegi» atty maqalasyn jarııalady, dep habarlaıdy "Adyrna" ulttyq portaly.
Maqalada eki el arasyndaǵy yntymaqtastyqtyń damýy men bolashaǵy týraly mańyzdy málimetter berilgen.
Prezıdent Qasym-Jomart Toqaev Qazaqstan men Reseı arasyndaǵy qarym-qatynastardyń senimdiligi men turaqtylyǵyn atap ótip, Reseı Prezıdenti Vladımır Pýtınmen turaqty jáne ashyq baılanystar ornaǵanyn aıtty. Bul qarym-qatynas týyndaǵan máselelerdi jedel sheshýge jáne elder arasyndaǵy dostyq qatynastardy nyǵaıtýǵa yqpal etýde.
Maqalada sońǵy bir jyl ishinde Qazaqstan men Reseıdiń birneshe ret joǵary deńgeıde kezdesýler ótkizgeni aıtylǵan. Bul kezdesýler tolyq formatty kelissózderden, halyqaralyq sharalar aıasyndaǵy kezdesýler men telefon arqyly sóılesýlerden turdy.
Qazaqstan men Reseı arasyndaǵy saýda-ekonomıkalyq yntymaqtastyqtyń damyp kele jatqany erekshe atap ótildi. Qazirgi tańda Qazaqstanda 23 myńnan astam reseılik kompanııa jumys istep jatyr, onyń ishinde sońǵy jyly ashylǵan 4 myń jańa kompanııa bar. Bul eki eldiń ekonomıkalyq baılanysynyń joǵary dınamıkasyn kórsetedi.
Sonymen qatar, maqalada energetıka, ónerkásip, kólik-logıstıka, aýyl sharýashylyǵy jáne basqa da salalardaǵy iri birlesken jobalarǵa nazar aýdaryldy. Jalpy quny 18 mıllıard dollardan asatyn 90-nan astam joba júzege asyrylǵan, al taǵy 49 perspektıvalyq joba iske asyrylý satysynda.
Maqalada Eýrazııalyq ekonomıkalyq odaq aıasyndaǵy Qazaqstan men Reseı arasyndaǵy yntymaqtastyqtyń mańyzdylyǵy da qozǵalǵan. EAEO óziniń tıimdiligin dáleldep, ekonomıkalyq saıasatty ıntegraııalaý men ózara saýdany damytý úshin mańyzdy platformaǵa aınalǵany aıtyldy.
Eske sala keteıik, Qasym-Jomart Toqaevtyń shaqyrýymen 27 qarashada Qazaqstanǵa Reseı prezıdenti Vladımır Pýtın memlekettik saparmen keledi. Sapar aıasynda joǵary deńgeıdegi kelissózder ótedi. Memleket basshylary beınekonferenııa rejıminde ótetin Qazaqstan men Reseıdiń HH óńiraralyq yntymaqtastyq forýmyna qatysady.
28 qarashada Toqaevtyń tóraǵalyǵymen Ujymdyq qaýipsizdik týraly shart uıymy keńesiniń kezekti sessııasy ótedi. Qatysýshy elderdiń delegaııalary óńirlik jáne halyqaralyq qaýipsizdik máselelerin talqylaıdy. Otyrystyń qorytyndysy boıynsha birqatar qujat qabyldanady.
