18 jastaǵy sarbazdyń túsiniksiz ári qorqynyshty áreketi qaznetti shýlatty. Sarbazdyń áreketine psıholog maman men ımam baǵasyn berdi, dep habarlaıdy "Adyrna" ulttyq portaly "Astana" arnasyna silteme jasap.
Aınalasyn úrkitip-shoshytyp jatqan sarbazdyń mundaı áreketi birinshi ret bolmaǵan sekildi. Áleýmettik jelide taraǵan vıdeodan da muny ańǵarý ońaı. Belgili bolǵandaı sarbazdyń esimi Saıat. Ásker qataryna alynǵanyna 1 aıdaı ýaqyt bolǵan. Ol Ulttyq qaýipsizdik komıtetiniń shekara áskerleriniń sabynda. Beınejazbada qasyndaǵy jas sarbazdyń Quran aıattaryn oqyǵannan keıin ersi qylyqtaryn tyıyp, talyp qalatynyn kórýge bolady. Jyn shyǵarý isimen 5 jyldan beri aınalysatyn Danııar Ibrahımulynyń aıtýynsha, jyn kirgen bolýy múmkin.
- Keıbir sıqyrlanǵan, jyn kirgen adam osyndaı jaǵdaıda bolady. Ol jynnyń áreketi basynda baqyryp-shaqyryp, janyndaǵy adamdardy qorqytýǵa tyrysady. Osy vıdeodan sony ańǵaryp otyrmyz. Sondaı shaıtannyń áseri bary kórinip tur, - deıdi Sheıh Kýnta Qajy meshitiniń naıb ımamy Danııar Ibrahımuly.
Dinı qyzmetkerdiń, taǵy bir nusqasy bar. Sarbaz qoryqqanynan osyndaı amaldy qoldanǵan bolýy da múmkin. Biraq, kesip aıtýǵa bolmaıdy dep qosty. Onyń anyq-qanyǵyn bilý úshin jeke jumys isteý kerek.
Al psıholog jas sarbazdyń psıhıkalyq aqaýy bolýy múmkin dep otyr. Áskerge shaqyrǵanda dárigerler ony medıınalyq tekserýden durys ótkizbegen dep esepteıdi ol.
- Dárigerler ásker qataryna alynatyn jigitterdi irikteý kezinde tolyqqandy tekserýi shart. Eger sondaı ózgeris bolsa sol jerde anyqtalady ǵoı, psıhıatrdyń baqylaýy kerek edi. Bul jumystyń shalalyǵyn bildiredi. Qazir Qazaqstanda kadr jetispeıdi. Sonyń ishinde áskerı adamdar. Sondyqtan bolar, densaýlyǵy jarasa da, jaramasa da alyp ketýge tyrysady,- deıdi psıholog Vladıslav Smırnov.
Aıta keteıik, vıdeony kórgen halyq jaǵasyn ustady. Keıbiri, áskerı bólimdegi mamandardy kinálasa, ata-analar balalaryn áskerge jibergisi kelmeı otyr.
"Adyrna" ulttyq portaly
