Otandy qorǧau, süiu – otbasynan bastalady jäne ärbır azamattyŋ qasiettı paryzy. Qazırgı taŋda äskeri qyzmettı mındetı dep bıletın, Otanyn qorǧaudy armandaityn jastardyŋ qatary az emes. Bıraqta, osy jolda batyl qadam jasap, armany jolynda qiynşylyqtardan qaimyqpaǧandar ǧana naǧyz el qorǧany bolyp jür.
Äskeri ömırdı er balaǧa tüsındırıp, osy mındetke baulyp, qairap ösırude äkenıŋ orny erekşe. Halqymyzdyŋ «Äke – asqar tau» dep aituy da sol äkenıŋ otbasyndaǧy orny men qūrmetıne orai bolsa kerek. Äke ısın jalǧastyryp, aitqandaryn qūrmettep oryndau bala üşın paryz. Äke armanyn asqaqtatyp, oryndai almaǧan ısterın jalǧastyruşy azamattar retınde egız leitenant Aman men Esen Bisembailar turaly aituǧa bolady.
Aman men Esen Aqtöbe qalasynda jūmysşylar otbasynda düniege kelgen. Analary esepşı mamandyǧy boiynşa jūmys jasap keledı. Äkelerı Sabyrjan öz uaqytynda Talǧat Bigeldinov atyndaǧy Äue qorǧanys küşterınıŋ äskeri institutyna oquǧa tüsuge baǧyn synap, belgılı sebeptermen tüse almaǧan. Äskeri ūşqyş boludy basty maqsat etken Sabyrjan 2012 jyly syrqattanyp dünieden öttı. Äke armanyn jüzege asyruǧa bel buǧan egızder mektep qabyrǧasyn tämämdaǧan soŋ Keŋes odaǧynyŋ ekı märte batyry Talǧat Bigeldinov atyndaǧy Äue qorǧanys küşterınıŋ äskeri institutyna oquǧa tüsuge şeşım qabyldaidy.
Atalǧan institutqa tüsu erejelerıne sai tekserısterden, oqu pänderı men dene şynyqtyru daiyndyǧy synaqtarynan jaqsy nätije körsetken egızder 2017 jyly Aqtöbe qalasyndaǧy atalǧan äskeri institutyna oquǧa qabyldanady. Bala kezden sportqa äues Aman men Esen äskeri ömırdıŋ alǧaşqy baspaldaǧy bolyp sanalatyn institut qabyrǧasynda komandirler men serjanttardyŋ tapsyrmalaryn joǧary nätijede oryndap, bırneşe ret basşylyq tarapynan alǧystarǧa ie boldy. Sporttyŋ futbol türın jandaryna serık etken olar bırneşe saiystarda top jardy.
2021 jyly joǧary oqu ornyn bıtırıp, «leitenant» şenın alǧan jas ūşqyş Aqtau garnizonyndaǧy 30153 äskeri bölımınde qyzmetterın jalǧastyruda.
Leitenant Aman Bisembai osy bölımde tehnikalyq paidalanu bölımınıŋ ūşaqty reglamentteu jäne jöndeu tobynyŋ aviasiialyq aǧa tehnigı bolsa, al leitenant Esen Bisembai tehnikalyq paidalanu bölımınıŋ aviasiialyq qozǧaltqyştardy reglamentteu jäne jöndeu tobynyŋ aviasiialyq aǧa tehnigı.
Antyna adal, sertıne berık, äke armanyn oryndai bılgen Aman men Esen elımızdegı bolaşaq Otan qorǧauşy jastarymyzǧa ülgı bolary anyq.
Mūhit Qonarov Qyzylorda garnizony baspasöz qyzmetınıŋ bastyǧy, leitenant
