Áskerde qulap, komaǵa túsken sarbaz Erbaıan Muhtar sheteldegi emhanada em qabyldaýy múmkin. Bul týraly Densaýlyq saqtaý mınıstri Aqmaral Álnazarova pikir bildirdi, dep habarlaıdy “Adyrna” ulttyq portaly.
Aqmaral Álnazarova Erbaıan Muhtardyń densaýlyǵy turaqty baqylaýda ekenin atap ótti.
”Sarbaz mıynan aýyr jaraqat aldy. Naýqasqa operaııa jasaldy. Sodan keıin naýqas neırohırýrgııa ortalyǵynda 26 kún ońaltýdan ótti. Tıisti usynystar negizinde naýqas úıge shyǵaryldy. Qazir naýqasqa emhana men densaýlyq saqtaý basqarmasynyń medıınalyq qyzmetkerleri baqylaýymen jergilikti deńgeıde medıınalyq kómek kórsetilip jatyr”, - dedi mınıstr Úkimet otyrysynan keıin.
Vedomstvo basshysy sarbazdyń anasymen sóıleskenin, qoldaýǵa kórsetýge daıyn ekenin jetkizdi.
”Biz naýqastyń anasymen baılanystyq. Ońaltýǵa joldama daıyndaldy. Alaıda sheteldegi emhanalar (naýqasty qabyldaıtynyn-qabyldamaıtynyn) rastamady. Ata-anasy izdep jatyr. Biz óz tarapymyzdan ońaltýdy jalǵastyrýǵa daıynbyz. Keshe ǵana konsılıým ótkizildi. Qorǵanys mınıstrliginiń kúshimen emdik massaj jasaıtyn maman, medbıke jumys istep jatyr. Ata-anasy kelisim berse, mınıstrlik staıonar jaǵdaıynda ońaltýdyń ekinshi kezeńin bastaýǵa bastaýǵa”, - dedi Aqmaral Álnazarova.
Aıta keteıik, sarbaz Erbaıan Muhtar Almatyda ornalasqan Ulttyq ulannyń №5571 bóliminde qulap, komaǵa túsken edi. Naýqas 4 aıǵa jýyq ýaqyt oıanbastan jatqan. Bıyl mamyrda ol esin jıǵan.
