Käsıpker, BI Group qūrylys holdingınıŋ negızın qalauşy ärı direktorlar keŋesınıŋ töraǧasy Aidyn Rahymbaev kenje ūlyn äskerge jıberdı, dep habarlaidy «Adyrna» tılşısı.
Ol būl jaŋalyqpen Instagram jelısındegı paraqşasynda bölısıp, ūlynyŋ ant qabyldau sätınen suret jariialady.
«Kenje ūlym keşe äskeri ant qabyldady. Endı ol – elımızdıŋ de, otbasymyzdyŋ da qorǧauşysy. Fizikalyq tūrǧydan jaqsy daiyndyqtan ötkendıkten, desanttyq-şabuyldau brigadasyna tüstı. Alty ai būryn ol Londondaǧy King’s College London universitetıne IT mamandyǧy boiynşa oquǧa tüsken edı. Bız aldyn ala kelısıp, eger oquǧa bailanysty sūraqtar tuyndasa, jeŋıldıksız, özge jastar siiaqty äskerge barasyŋ dep şeştık. Sol sät te keldı. Keleşekte oquyn mındettı türde jalǧastyrady, äzırge naǧyz azamat bolyp, Otan aldynda boryşyn ötıp jatyr»,–dep jazdy käsıpker.
