“Aq jol” frakııasy elimizdegi jaǵar maı tapshylyǵy týraly másele kóterdi

2325
Adyrna.kz Telegram

 “Aq jol” frakııasy elimizdegi jaǵar maı tapshylyǵy týraly máseleni qozǵady. «Aq jol» QDP frakııasynyń depýtattary atynan saýaldy Májilis depýtaty Serik Erýbaev oqydy, dep habarlaıdy "Adyrna" ulttyq portaly. 

Saýal QR Energetıka mınıstri M.Myrzaǵalıevke baǵyttaldy. Erýbaev óz sózinde:

"Sońǵy kúnderi elimizdiń birneshe óńirinde janarmaı qunynyń ósýine, sondaı-aq dızel otynynyń tapshylyǵyna baılanysty kásipkerlerdiń, júk tasýshylar men júrgizýshilerdiń narazylyq akııalary oryn alyp jatyr.

Munaı ónimderiniń baǵasyna ekonomıkamyzdyń barlyq salalary táýeldi ekeni jasyryn emes. Onyń baǵasy, qarapaıym tutyný taýarlarynan bastap, strategııalyq mańyzy bar shıkizattyń qunyna da tikeleı áser etedi. Iaǵnı, dızel baǵasynyń kóterilýi, bizdiń kásipkerlerdiń básekege qabilettiligin tómendetetini anyq. Al, dızeldyń saýdada bolmaýy, tipti ekonomıkany tyǵyryqqa ákelip soǵatyn týra jol.

Munaı óniminiń maýsymdy tapshylyǵy, jyl saıyn qaıtalanatyn kórinis bolyp ketti. Dál, kóktemgi egin egý nemese kúzgi astyq jınaý kezeńderinde bizdiń munaı óńdeý zaýyttarynyń jóndeý júrgizýge toqtaıtyny bir dástúr sııaqty.

Qazaqstanda halyq sanynyń ulǵaıýy, ekonomıkanyń ósýi, avtotransporttyń kóbeıýi, jumys istep turǵan Atyraý, Shymkent, Pavlodar munaı óńdeý zaýyttarynyń qýaty jetkiliksiz ekendigi baıqala bastaǵan kezde, tórtinshi zaýyt salý máselesi qyzý talqylanǵan bolatyn. Biraq, bundaı sheshim qabyldanbaı, qoldanystaǵy zaýyttarǵa jańǵyrtý jumystaryn júrgizý josparlanǵan. Alaıda, jańǵyrtý jumystaryn júrgizgenniń ózinde, óndiris qýaty jetkiliksiz bolyp qalǵandyǵyn ýaqyt kórsetti.

Tipti, kómirsýtek shıkizaty joq memleketterdiń ózińde bıo-dızel óndirisi óris alýda. Al biz, munaı eksporttaýshy memleket bola turyp, munaı ónimderin ımporttaýǵa májbúr bolyp otyrmyz.

Ókinishke oraı, Mınıstrlik óz deńgeıinde otandyq dızelmen ishki naryq suranysyn qamtamasyz ete almaıtyndyǵyn moıyndap otyr.

Osyǵan baılanysty, munaı óńdeý boıynsha qosymsha qýattardy qurý máselesi aldyńǵy qatarǵa shyǵyp tur.

Qazirgi kezde dızel baǵasy 189 teńgeden 240-285 teńgege kóterilgenin kórip otyrmyz. Halyq arasynda bul baǵanyń ósýi, jasandy emes pa degen oı týǵyzdy. Osy oraıda, monopolııaǵa qarsy ókiletti organdarǵa suraqtar bar.

Al, qosymsha taǵy munaı óndirisin damytsaq, biz munaı ǵana emes, munaı ónimderin eksporttaýshy memleket bola alar edik. Oǵan obektıvti negizder bar, óıtkeni, qazaqstandyq benzın men solıarkanyń baǵasy kórshi elderden árdaıym tómen.

Memleket Basshysynyń Joldaýynda otandyq ónerkásip úshin shıkizat taýarlarynyń baǵasy qoljetimdi, al kólemi jetkilikti bolýy kerek delingen. Osynyń negizinde, munaı kompanııalarynan shıkizat qunyn tómendetý jóninde talap qoıý jolymen janar jaǵar maı baǵasyn odan da tómendetýge bolar edi.

Qurmetti Maǵzum Maratuly, «Aq jol» frakııasy:

1) qalyptasyp otyrǵan kúrdeli jaǵdaıdy sheshý joldary retinde, benzın jáne dızel shyǵara alatyn tek memlekettik munaı óńdirýshilerge qarap qalmaı, osy baǵyttaǵy jeke menshik kásipkerlerge jan-jaqty qoldaý kórsetýdi usynamyz. Ondaı jobalar bar, biraq tıisti qoldaý tappaı, qajetti deńgeıge shyǵa almaı otyr.

2) Sonymen qatar, dızel otynnyń tapshylyǵynda jáne onyń qymbattaýynda karteldik sóz baılasý faktileri, sondaı-aq qanshalyqty rynok mehanızminiń yqpaly bar ekendigi, al qanshasy zańsyz monopolııanyń oıyndarymen negizdelgen, soǵan tekserý uıymdastyrýdy suraımyz" dedi.

"Adyrna" ulttyq portaly

Pikirler