QR Bilim jáne ǵylym mınıstrligine vedomstvolyq baǵynyshty JOO oqytýshylarynyń jalaqysy osy jyldyń qyrkúıeginen bastap ósti, dep habarlaıdy "Adyrna" ulttyq portaly.
QR BǴM baspasóz qyzmetiniń málimetinshe, endi ýnıversıtet oqytýshylary aıyna keminde 200 myń teńge alatyn bolady. Aǵa oqytýshy keminde 230 myń teńge, qaýymdastyrylǵan professor – 260 myń teńge, professor – 350 myń teńge (ulttyq joǵary oqý oryndarynda – 400 myń teńge) alady.
- Memleket basshysynyń qoldaýynyń arqasynda Mınıstrlik joǵary oqý oryndarynyń shtattyq qyzmetkerlerine mınımaldyq jalaqy belgileý týraly buıryq qabyldady. QR BǴM-ge baǵynyshty JOO oqytýshylarynyń jalaqysy artty. Sondaı-aq bir stavkanyń maksımaldy kólemi endi bir oqý jylynda 680 saǵattan aspaıdy. Iaǵnı, oqý júktemesi tómendetiledi. Ózgeris professorlyq-oqytýshylyq quramnyń ǵylymı qyzmetpen aınalysýy úshin múmkindik pen ýaqyttyń kóbirek bolýyn kózdeıdi - dep atap ótti Bilim jáne ǵylym vıe-mınıstri Qýanysh Erǵalıev.
Esterińizge sala keteıik, buǵan deıin Ulttyq qoǵamdyq senim keńesiniń otyrysynda Memleket basshysy JOO oqytýshylarynyń jalaqysyn kóterýdi tapsyrǵan bolatyn. 2019 jylǵy qyrkúıekte BǴM-ge vedomstvolyq baǵynyshty joo professor-oqytýshylar quramynyń eńbekaqysy 20%-ke, 2020 jylǵy qyrkúıekte taǵy da 20%-ke ulǵaıtyldy. Jalaqyny edáýir arttyrý barysynda onyń mınımaldyq mólsheri jáne pedagogıkalyq júktemeniń maksımaldy kólemi belgilendi.
"Adyrna" ulttyq portaly
