Auǧanstandaǧy ahualǧa bailanysty auǧan qazaqtaryn elge äkeludıŋ öz qiyndyqtary bar ekenın “Otandastar” qorynyŋ vise-prezidentı Maǧauiia Sarbasov myna postynda aitty:
Ardaqty aǧaiyn!
Auǧanstandaǧy ahualǧa bailanysty öz pıkırımdı bıldırgım keledı.
Qazırgı uaqytta şeteldık jäne otandyq būqaralyq aqparat qūraldary men äleumettık jelıler arqyly Auǧanstan elındegı asa auyr jaǧdaidy körıp-bılıp otyrmyz. Būl dürbeleŋ beibıt ömırdı aŋsap, öz otanynda tūryp jatqan halyq üşın öte ökınıştı jaǧdai dep bılemın. Tynyşy būzylyp, oq pen ottan köz aşpaǧan memlekettıŋ bügıngı bet-beinesı, jalpaq jūrttyŋ jai-küiı jan auyrtyp, jürek syzdatady.
Şartarapqa tarydai şaşylǧan qandastarymyzdyŋ at töbelındei bır şoǧyry auǧan elınde ekenın bılemız. Osyndai aumaly-tökpelı töŋkerıstı basynan ötkerıp jatqan eldegı bauyrlarymyzdyŋ ahualy bızdı de alaŋdatpai qoimaidy.
Būl rette memlekettık organdardyŋ, äsırese Syrtqy ıster ministrlıgınıŋ jūmysyn airyqşa atap ötu kerek.
Bügınde, Kabuldaǧy Qazaqstan Elşılıgınıŋ resmi mälımetınşe ūlty qazaq 200-ge juyq azamat bar ekenı rastaldy. Būl aqparat resmi bolǧandyqtan, osyny negızge alǧan jön.
Alaida, «Otandastar qory» KEAQ barlyq aimaqtardaǧy front-keŋselerı men Qandastarǧa qoldau körsetu ortalyǧy arqyly jūmystar jürgızudı jedel qolǧa aldy.
Būǧan deiın Auǧanstannan atajūrtqa köşıp kelgen jäne Qazaqstan Respublikasynyŋ azamaty atanǧan qandastarymyzdan Auǧanstan aumaǧynda qalǧan tuǧan-tuystarynyŋ tızımın jinaqtau jūmystary jürıp jatyr. Tap qazırgı sätke deiın 450-ge juyq adamnyŋ esımı tızımge engızıldı. Alaida, būl tızım älı de tekserıstı qajet etedı. Atalǧan tızım tolyq jinaqtalǧan soŋ tiıstı memlekettık organdarǧa joldanady.
Alaida, otqa oranǧan elde qalǧan qandastarymyzdy köşırıp äkelu – oŋai emes jäne bır künde bıtpeitın şarua. Būl şara qūzyrly memlekettık organdar tarapynan Auǧan elınde oryn alǧan kürdelı jaǧdaida qauıpsızdık şaralaryn qataŋ qamtamasyz ete otyryp, tiıstı diplomatiialyq joldarmen kelıssözder jürgızu arqyly ölşemdı jäne naqty şeşımder qabyldaudy talap etetının eskeruımız kerek.
Būǧan qosa, Qazaqstanǧa keluge niet bıldırgen ärbır azamattyŋ qazaq ūltyna säikestıgın mūqiiat zerttep-zerdelep, äbden elekten ötkızu qajet. Sebebı, aumaly-tökpelı alasapyrandy paidalanyp, elımızge nebır kümändı adamdardyŋ, sonyŋ ışınde sodyrlar men ekstremistterdıŋ kırıp ketpeuıne kepıldık joq.
Būnyŋ bärı uaqytty talap etedı. Sondyqtan, «sabyr tübı – sary altyn» demekşı, barşamyzǧa ūstamdylyq tanytyp, sabyr saqtaǧan abzal.
Osy bır qysyltaiaŋ uaqytta, memlekettık organdar da, «Otandastar Qory» KEAQ-da qol qusyryp qarap otyrǧan joq.
«Är qazaq menıŋ jalǧyzym» degendei, bız ärkez alystaǧy aǧaiynnyŋ amandyǧyn tıleimız!
Jazba Maǧauiia SARBASOVTYŊ facebook paraqşasynan
Ūqsas jaŋalyqtar
