Qazaqstandyq qutqarýshylar toby jetken Aýǵanstanda taǵy da joıqyn jerasty dúmpýleri tirkeldi, - dep habarlaıdy "Adyrna" portaly Tengrinews.kz-ke siltep.
Taǵy bir jer silkinisi 11 qazan kúni tańerteń jergilikti ýaqyt boıynsha 05:15 shamasynda (Astana ýaqyty boıynsha 06:40) eldiń batysyndaǵy Gerat qalasynyń mańynda boldy. Birinshi dúmpýden keıin birneshe aıtarlyqtaı baıqalatyn after dúmpýler boldy.
Bul ýaqytta qazaqstandyq qutqarýshylar jer silkinisinen eń qatty zardap shekken Gerattan 60 shaqyrym jerdegi Noferafı aýylyna jetip úlgerdi. Jedel-qutqarý jasaǵynyń qyzmetkerleri túnniń bir ýaǵyna deıin shatyrly qalashyq qurdy.
Tańerteń olardy qatty jer silkinisi tań qaldyrdy. Adamdar shatyrlar men kólikterden qashty. Qýanyshqa oraı, eshkim zardap shekken joq.
Aıta keteıik, jer asty dúmpýleri áli de jalǵasyp jatyr. Sońǵy baıqalǵan jer silkinisiniń saldarynan 5-10 shaqyrym jerde ornalasqan kórshi aýyl qırap qalǵan bolatyn. Zertteýler boıynsha jer silkinisiniń oshaǵy odan alys emes bolsa kerek.
Esterińizge salsaq, Aýǵanstanda 7 qazanda kúshti jer silkinisi boldy. Qaza tapqandar sany eki myńnan asty. Budan keıin Memleket basshysy Qasym-Jomart Toqaev Aýǵanstanǵa gýmanıtarlyq kómek kórsetýdi tapsyrdy.
