Qazaqstandyq qūtqaruşylar toby jetken Auǧanstanda taǧy da joiqyn jerasty dümpulerı tırkeldı, - dep habarlaidy "Adyrna" portaly Tengrinews.kz-ke sıltep.
Taǧy bır jer sılkınısı 11 qazan künı taŋerteŋ jergılıktı uaqyt boiynşa 05:15 şamasynda (Astana uaqyty boiynşa 06:40) eldıŋ batysyndaǧy Gerat qalasynyŋ maŋynda boldy. Bırınşı dümpuden keiın bırneşe aitarlyqtai baiqalatyn after dümpuler boldy.
Būl uaqytta qazaqstandyq qūtqaruşylar jer sılkınısınen eŋ qatty zardap şekken Gerattan 60 şaqyrym jerdegı Noferafi auylyna jetıp ülgerdı. Jedel-qūtqaru jasaǧynyŋ qyzmetkerlerı tünnıŋ bır uaǧyna deiın şatyrly qalaşyq qūrdy.
Taŋerteŋ olardy qatty jer sılkınısı taŋ qaldyrdy. Adamdar şatyrlar men kölıkterden qaşty. Quanyşqa orai, eşkım zardap şekken joq.
Aita keteiık, jer asty dümpulerı älı de jalǧasyp jatyr. Soŋǧy baiqalǧan jer sılkınısınıŋ saldarynan 5-10 şaqyrym jerde ornalasqan körşı auyl qirap qalǧan bolatyn. Zertteuler boiynşa jer sılkınısınıŋ oşaǧy odan alys emes bolsa kerek.
Esterıŋızge salsaq, Auǧanstanda 7 qazanda küştı jer sılkınısı boldy. Qaza tapqandar sany ekı myŋnan asty. Būdan keiın Memleket basşysy Qasym-Jomart Toqaev Auǧanstanǧa gumanitarlyq kömek körsetudı tapsyrdy.
Ūqsas jaŋalyqtar
