Aqmola oblysynda tau-ken metallurgiia salasyndaǧy ırı investisiialyq jobanyŋ jüzege asuyna jol aşyldy. Bügın Burabai audanyndaǧy Raigorodok ken ornynda jaŋa altyn öndıru fabrikasynyŋ qūrylysy bastaluyna orai estelık kapsula salyndy. Simvoldyq räsım öŋırdegı öndırıstık quatty arttyryp, oblystyŋ damuyna jaŋa serpın beretın jobanyŋ bastalǧanyn bıldıredı.
Saltanatty räsımge Aqmola oblysynyŋ äkımı Marat Ahmetjanov, Önerkäsıp jäne qūrylys ministrı Ersaiyn Naǧaspaev, halyqaralyq Zijin Mining tobynyŋ jäne Zijin RG Gold kompaniiasynyŋ basşylyǧy men ökılderı qatysty. Kapsulaǧa bolaşaq ūrpaqqa arnalǧan joldau salynyp, ony 2076 jyly aşu josparlanyp otyr.
Aqmola oblysy üşın būl baǧytty damytu airyqşa maŋyzǧa ie. Öŋır auyl şaruaşylyǧy salasyndaǧy joǧary körsetkışterımen būrynnan tanymal. Mūnda jyl saiyn mol astyq jinalyp, auyl şaruaşylyǧy önımderın öŋdeu damyp, ırı agroönerkäsıptık baza qalyptasqan. Sonymen qatar oblys ekonomikasy agrarlyq sektormen ǧana şektelmeidı. Bügınde önerkäsıp, paidaly qazbalardy öndıru jäne öŋdeu salalary qatar damyp, ırı investisiialyq jobalar öŋırdıŋ öndırıstık mümkındıkterın keŋeitıp keledı.
Altyn öndıru salasynyŋ auqymy da aiqyn. Aqmola oblysy Dore qorytpasyn öndıru boiynşa respublikada bırınşı orynda tūr. Öŋır elımızdegı jalpy öndırıs kölemınıŋ 54 paiyzyn qamtamasyz etedı. Oblysta «Altyntau Kökşetau» jäne «Qazaqaltyn» konsernınıŋ käsıporyndary siiaqty ırı öndırıs oryndary jūmys ısteidı. Būl rette saladaǧy damu qarqyny jalǧasuda. «Altyntau Kökşetau» käsıpornynda jerasty öndıru täsılıne köşu bastalsa, Raigorodok ken ornynda öndırıstı keŋeitudıŋ jaŋa kezeŋıne bügın qadam jasaldy.
«Bügın bız jai ǧana estelık kapsula salyp otyrǧan joqpyz. Raigorodok ken ornyn jäne Aqmola oblysynyŋ tau-ken metallurgiia salasyn damytudyŋ jaŋa ırı kezeŋıne jol aşyp otyrmyz. Būl jobany ıske asyru öndırıstık quatty edäuır arttyruǧa, jaŋa jūmys oryndaryn aşuǧa jäne öŋırdıŋ elımızdegı jetekşı altyn öndıru ortalyqtarynyŋ bırı retındegı pozisiiasyn nyǧaituǧa mümkındık beredı. Bız üşın öndırıs kölemınıŋ artuy öŋır tūrǧyndary, jergılıktı biznes jäne jalpy öŋırdıŋ tehnologiialyq damuy üşın jaŋa mümkındıkter qalyptastyratyny asa maŋyzdy», – dedı Aqmola oblysynyŋ äkımı Marat Ahmetjanov.
Aita keteiık, Raigorodok ken ornynda bügınde jūmys ıstep tūrǧan öndırıstık baza bar. 2022 jyly mūnda jylyna 6,5 mln tonna ken öŋdeuge qauqarly baiytu fabrikasy ıske qosylǧan bolatyn. Endı Zijin RG Gold kompaniiasy quaty jylyna 10 mln tonna bolatyn jaŋa altyn öndıru fabrikasynyŋ qūrylysyn bastaidy. Joba tolyq ıske asqannan keiın keşennıŋ tau-ken jäne öŋdeu quaty jylyna 16 mln tonna kendı qūraidy.
Öŋdeu kölemınıŋ ūlǧaiuymen Dore qorytpasyn öndıru kölemı de artady. Keşen boiynşa altyn öndıru kölemı jylyna 12 tonnadan asady dep josparlanyp otyr.
Joba qoldanystaǧy öndırıstı keŋeitumen ǧana şektelmeidı. Jaŋa öndırıstık keşen aiasynda energetika jäne sumen jabdyqtau nysandary, qaldyq qoimasy, tau-ken jäne kölık infraqūrylymy, jöndeu jäne qoima ǧimarattary, äkımşılık nysandar men vahtalyq kent salu közdelgen.
Jobanyŋ taǧy bır maŋyzdy baǧyty – tehnologiialyq jaŋǧyrtu. Kompaniia zamanaui avtomattandyru jüielerın engızıp, tau-ken tehnikasy parkın jaŋartyp, öndırıs tiımdılıgın arttyrudy josparlap otyr. Gibridtı dizel-elektr jetegı bar tehnikany paidalanu otyn şyǧyny men şyǧaryndylardy azaityp, öndırıstıŋ tiımdılıgın arttyruǧa mümkındık beredı.
«Keŋeitu jūmystary ken ornynyŋ resurstyq äleuetın tiımdı paidalanuǧa jäne kompaniianyŋ öndırıstık bazasyn nyǧaituǧa mümkındık beredı. Bız halyqaralyq täjıribe men ozyq praktikalarǧa süienıp, olardy jergılıktı jaǧdaiǧa, Qazaqstan zaŋnamasyna jäne käsıporynnyŋ erekşelıkterıne beiımdei otyryp qoldanatyn bolamyz», – dedı Zijin RG Gold kompaniiasynyŋ bas direktory Li Kaiven.
Öŋır üşın ırı öndırıstıŋ käsıporyn aumaǧynan tys jerlerde de sūranys qalyptastyratyny maŋyzdy. Öndırıstık quat artqan saiyn mamandarǧa, qyzmetterge, materialdar men jergılıktı jetkızuşılerdıŋ önımderıne degen qajettılık te ösedı. Bügınde Zijin RG Gold kompaniiasynda 1,8 myŋnan astam adam jūmys ısteidı. Onyŋ 51 paiyzy – Aqmola oblysynyŋ tūrǧyndary.
Osyndai jobalardyŋ negızgı nätijesı de osynda. Öndırıstık quat körsetkışterınıŋ artynda adamdar üşın naqty mümkındıkter tūr. Jaŋa käsıporyndar jūmys oryndaryn aşyp, mamandarǧa zamanaui tehnologiialardy meŋgeruge jäne kompaniia ışınde käsıbi tūrǧydan ösuge mümkındık beredı. Al şaǧyn jäne orta biznes üşın jaŋa tapsyrys beruşılermen jūmys ısteuge jol aşady.
«Bız üşın būl joba tek öndırıstık quatty arttyrumen şektelmeidı. Būl – öŋırdıŋ damuyna, halyqty jūmyspen qamtuǧa jäne käsıbi ösuıne, şaǧyn jäne orta biznestı damytuǧa, sondai-aq oblys ekonomikasyn nyǧaituǧa baǧyttalǧan investisiia», – dep atap öttı Zijin RG Gold kompaniiasynyŋ teŋ bas direktory Marat Şaimardanov.
Bügınde Aqmola oblysy auyl şaruaşylyǧyndaǧy joǧary nätijelerın saqtai otyryp, önerkäsıp öndırısın ūlǧaityp, öŋdeu jäne öndıru salalaryndaǧy investisiialyq jobalardy belsendı türde tartyp keledı. Sondyqtan Raigorodokta bügın salynǧan kapsula – kezektı zauyttyŋ qūrylysyna qatysty ǧana simvoldyq oqiǧa emes. Būl – tabiǧi resurstar, investisiialar men zamanaui tehnologiialar öndırıstıŋ damuyna, al tüptep kelgende, halyq üşın jaŋa mümkındıkterdıŋ qalyptasuyna qyzmet etetın öŋırdıŋ jalpy ekonomikalyq damu baǧytynyŋ jalǧasy.
Bügın kapsulaǧa salynǧan bolaşaqqa arnalǧan joldau da naqty bır ken ornymen ǧana bailanysty emes. Ol öŋırdıŋ bügıngı negızgı mındetın aiqyn körsetedı. Būl – jaŋa öndırıster qūru, qaita öŋdeudı damytu, investorlar tartu jäne ekonomikalyq ösudıŋ basty nätijesı Aqmola oblysynyŋ tūrǧyndary üşın naqty mümkındıkterge ainalatyn jaǧdai qalyptastyru.
