Su tasqyny kezınde halyqty kömekke şaqyryp, qarjy jinaǧan Perizat Qairat "qarjy jymqyrdy" degen küdıkke ılındı, dep habarlaidy "Adyrna" ūlttyq portaly.
Qarjylyq monitoring agentıgı Perizat Qairatty 1,5 milliard teŋge ūrlaǧan boluy mümkın ekenın habarlady.
Agenttık Perizat Qairattyŋ ūstaluyna bailanysty ädetten tys köbırek mälımet taratyp otyr. Būl mälımetterdıŋ sot ötpei jatyp jariialanuy köptegen sūraq tuǧyzady. Agenttıktıŋ resmi jariialaǧan aqparatyna qaraǧanda mynandai jailar belgılı bolǧan.
Perizat Qairat az uaqytta:
- Mercedes-Benz S450 — qūny 88 million teŋge;
- Lexus LX-600 — qūny 80 million teŋge;
- Haval — qūny 39 million teŋge tūratyn kölıkter satyp alǧan boluy mümkın.
Qymbat kölıkterden bölek, Perizat «Akbulak Riviera», «Highvill Ishim Gold», «Kök Jailau» sekıldı elitalyq tūrǧyn üi keşenderınen päterler, sondai-aq «Vela Village» kottedj qalaşyǧynan jyljymaityn mülık satyp alǧany aitylady. Būl mülıkterdıŋ jalpy qūny 600 million teŋgenı qūraǧan.
Sondai-aq, onyŋ Dubai, Doha, London, Stambūl qalalaryna jiı baryp, «St. Regis», «Shangri-La», «Palazzo Versace», «Kempinski» sekıldı besjūldyzdy qonaq üilerde toqtaǧany habarlanǧan. Ataqty «Cartier» men «Louis Vuitton» brendterınıŋ äşekei būiymdary men aksessuarlaryn satyp alyp, iahtada qydyryp, qymbat meiramhanalarda as ışkenı turaly da mälımetter de taraǧan.
BAQ-ta taraǧan mälımet boiynşa, Perizat Qairat — «BizBirgemiz Qazaqstan» qaiyrymdylyq qorynyŋ basşysy. Ol köktemdegı auqymdy su tasqyny kezınde halyqtyŋ qaiǧysyn aityp, prezidentke beineündeu joldaǧan.
Alaida ol videony köp ūzamai jelıden öşırgen.
Basqalarmen bölıse
otyryŋyz
