Almatyda Prezident Qasym-Jomart Toqaevtyŋ töraǧalyǧymen Jasandy intellektını damytu jönındegı keŋestıŋ ekınşı otyrysy öttı. Būl turaly Aqorda jazdy, dep habarlaidy "Adyrna".
Memleket basşysy jiynda söilegen sözınde älem tehnologiialyq transformasiianyŋ müldem jaŋa kezeŋıne qadam basqanyna nazar audardy.
Prezidenttıŋ aituynşa, qazırgı özgerıster XIX-XX ǧasyrlardaǧy industriialyq revoliusiiamen salystyruǧa kelmeidı. Öitkenı onyŋ jyldamdyǧy men auqymdylyǧy sonşalyq, fizikalyq bolmys pen sifrlyq keŋıstık arasyndaǧy şekara joiylyp barady.
"Jasandy intellekt jahandyq ekonomikanyŋ basty arqauy, al ülken derekter qory asa maŋyzdy resurs sanala bastady. Sondyqtan Qazaqstan jasandy intellektını asa maŋyzdy strategiialyq baǧyt retınde qarastyrady. Aldymyzǧa Qazaqstandy zamanaui sifrlyq memleketke ainaldyru jönınde örşıl maqsat qoidyq. Tiıstı institusionaldyq alǧyşarttar men bazalyq infraqūrylym qalyptasty. Endı jasandy intellekt tehnologiiasyn ekonomikanyŋ barlyq salasyna engızuımız qajet. Būl rette "tehnologiialyq saqtyq şaralaryn" basşylyqqa alyp, ūlttyq müddenı de ūmytpaǧan jön", – dedı Prezident.
