Qazaqstannyń ulttyq ekonomıka mınıstri shetel sankııasyna ilikken el kompanııalary týraly aıtty, dep habarlaıdy “Adyrna” ulttyq portaly Zakon.kz-ke siltep.
Mınıstr Nurlan Baıbazarov 7 qarashada sankııaǵa ilikken kompanııalar týraly pikir bildirdi. Basshy olardy birkúndik kompanııalar dep atady.
Nurlan Baıbazarov bul tizimdegi eki kompanııanyń buǵan deıin amerıkalyq sankııalarǵa ilikkenin túsindirdi.
«Bul kompanııalar — birkúndik fırmalar, olar, bálkim, osyndaı maqsattarǵa ashylady. Biz olardy tekserýdi bastaǵanda, olardyń tolyqqandy sharýashylyq áreketteri joq ekenin baıqaımyz. Olar ashylady, bir kelisimshart jasasady da, joq bolyp ketedi. Saýda qalaı ótkenin anyq kórip otyrmyz. Batysta sankııalarǵa jaýap beretin qarjy qyzmetteri bul kompanııalardy postfaktým tirkep, tizimge qosady», — dep qosty ulttyq ekonomıka mınıstri 8 qarashada Astanada ótken Ortalyq Azııa aımaqtyq ekonomıkalyq yntymaqtastyǵy mınıstrlik konferenııasynyń kýlýarynda.
2024 jyldyń 7 qarashasynda Ulybrıtanııa Reseıdiń áskerı-ónerkásip keshenine qarsy jańa sankııalar engizgenin jarııalaǵan edi. Brıtan úkimetiniń saıtynda bul sankııalardyń 2023 jyldyń mamyr aıynan bergi eń iri paketi ekeni, onyń Ýkraınadaǵy áskerı áreketterge baılanysty Reseıge baǵyttalǵany kórsetilgen. Bul sankııalar Qazaqstan, Qytaı jáne Túrkııa kompanııalaryn qamtıtyn 56 nysandy qamtydy. Atap aıtqanda, sankııalar tizimine alty qazaqstandyq kompanııa endi.
«Qazaqstandyq kompanııalar sankııalardy aınalyp ótýge tyrysady. Bul ártúrli kompanııalar, olar paıda tabýdy kózdeıdi. Onymen kúresý qıyn», — dedi Nurlan Baıbazarov.
