1 qyrküiekten bastap Fransiiada «asa jyldam sänge» (ultra-fast fashion) qarsy küres şaralary aiasynda kiımge jaŋa salyq engızıldı. Jaŋa salyq eŋ aldymen Temu jäne Shein siiaqty marketpleisterge qatysty bolady.
Qandai kompaniialardyŋ «asa jyldam sän» sanatyna jatatyny ekı kriterii boiynşa anyqtalady: belgılı bır jetkızuşınıŋ naryqqa şyǧaratyn kiım kölemı jäne naqty kiımnıŋ jöndeu qūny.
Osy ekı kriterii boiynşa tekseruden ötpegen satuşylar qosymşa salyq töleuge mındetteledı. Qazırdıŋ özınde qytailyq Temu, Shein jäne AliExpress marketpleisterı jaŋa talaptardyŋ aiasynda qalǧany belgılı.
Olar üşın eŋ tömengı salyq mölşerı ış kiımge — 0,50 euro (şamamen 266 teŋge), futbolkaǧa — 2 euro (şamamen 1069 teŋge), djinsyǧa — 9 euro (şamamen 4782 teŋge), al kürtege — 12 euro (şamamen 6376 teŋge) bolady.
2030 jylǧa qarai būl salyq mölşerı bır kiımge 19,50 euroǧa (şamamen 10 361 teŋge) deiın ösuı mümkın.
Fransiia ükımetı jaŋa salyq elge arzan ärı sapasy tömen kiımderdıŋ köptep keluın tejeuge, sondai-aq Temu men Shein sekıldı qytailyq marketpleisterdıŋ naryqtaǧy yqpalyn şekteuge kömektesedı dep esepteidı.
Europa elderınde «asa jyldam sän» mäselesı belsendı talqylanyp jatyr. BAQ mälımetınşe, Germaniia, Şveisariia jäne Europalyq odaqtyŋ basqa da elderındegı poligondar Qytaidan keletın arzan ärı sapasyz kiımderge tolyp barady.
Sintetikalyq matalardy qaita öŋdeu qiyn nemese kei jaǧdaida mümkın emes. Al qoqysqa tastalǧan köilekter, şalbarlar men toptardy qaita jöndep, paidalanuǧa jaratu da köbıne mümkın bolmaidy.
Jyldam sän industriiasy qorşaǧan ortanyŋ lastanuyna aitarlyqtai üles qosady. Toqyma önerkäsıbı älemdegı parniktık gazdar şyǧaryndylarynyŋ şamamen 10 paiyzyna jauap beredı.
