Jurnalist - bilık pen halyq arasyndaǧy, qala men şalǧaidaǧy auyl arasyndaǧy «altyn köpır» desek artyq bolmas. Köptıŋ auyzynda «törtınşı bilık ökılderı» dep atalatyn mamandyqtyŋ baǧasy qaşan da biık. Künı keşe ǧana elımızde BAQ ökılderınıŋ töl merekesı toilanǧan bolatyn. Qalamyna qanat bıtken qaharmandarǧa halyqaralyq, älemdık deŋgeide köptegen merekeler men atauly künder qarastyrylǧan. Solardyŋ bır toptamasyna üŋılıp köreiık.
13 aqpan - Bükılälemdık radio künı
Köptegen konfliktter men qaqtyǧystar jaǧdaiynda radio bızdıŋ qorǧauşy şyǧyrşyǧymyz sekıldı. Būl sözdı Bırıkken Ūlttar Ūiymynyŋ bas hatşysy Pan Gi Mun aitqan bolatyn, jäne 2013 jylǧy ötken BŪŪ Bas Assambleiasy otyrysynda 13 aqpan datasyn resmi türde Bükılälemdık radio künı dep bekıttı. Atauly künnıŋ 13 aqpanǧa bekıtıluı tegın emes, 1946 jyly 13 aqpanda tūŋǧyş ret «BŪŪ Radiosy» atty radiolyq habarlar basty ūiymnyŋ ştab päterınen taralǧan bolatyn. Sol sebeptı IýNESKO ūiymy qazırgı uaqytta merekenıŋ aiasyn keŋeitu maqsatynda köptegen memleketterdı däl osy meiramdy atap ötuge şaqyruda.
7 nauryz - Halyqaralyq balalarǧa arnalǧan teleradio habar taratu künı
IýNİSEF-tyŋ şeşımımen 1991 jyly engızılgen būl mereke telejurnalistika salasyndaǧy eŋ bır jarqyn merekelerdıŋ bırı bolyp sanalady. Balalardyŋ sapaly aqparattarmen qorektenuı qai zamannyŋ bolmasyn basty talaby bolyp tabylary haq. Nauryz aiynyŋ bırınşı jeksenbısıne josparlanatyn būl mereke biylǧy jyly 7 nauryz künı öz jalǧasyn tapty. Būl merekenı älemnıŋ 100-den asa memleketı jyl saiyn atap ötedı jäne mereke künı balalarǧa arnalǧan telekanaldar men radiolarǧa arnalǧan köptegen merekelık baǧdarlamalar jürgızıledı. Merekenıŋ basty maqsaty jasöspırımder men balalar qūqyǧyn qorǧaudaǧy şaralardyŋ maŋyzdylyǧyn arttyru ekendıgın IýNİSEF ūiymy eskertuden şarşaǧan emes.
3 mamyr - Bükılälemdık jazu bostandyǧy künı
BŪŪ adam qūqyqtary turaly deklarasiiasynda zaiyrly qoǧamnyŋ kez kelgen ökılı özınıŋ qalauyn jäne pıkırın hat jüzınde nemese auyzekı türde jetkızuıne tolyqtai mümkındıkter qarastyrylǧan. Är adam älemde bolyp jatqan jaǧdailarǧa öz yqpalyn tigızuı üşın jazu bostandyǧynyŋ auadai qajet ekendıgın terıske şyǧara almaimyz. Sol sebeptı 1991 jyly 3 mamyrda IýNESKO, BŪŪ jäne Vindhuk seminarynda «Jazu bostandyǧy» künın bekıtu turaly şeşım qabyldandy. Būl atauly künnıŋ taǧy bır maǧynasy Vindhuk konferensiiasyna tıkelei qatysty. Däl osy konferensiiada afrika halyqtarynyŋ jazu bostandyǧy men täuelsızdıgı talqylanyp, bekıtılgen bolatyn. Köptegen halyqaralyq ūiymdar jyl saiyn merekenı atap ötıp qana qoimai, «jazu bostandyǧynyŋ dūşpandary» atty tızım qūrastyrady. Būl tızımge BAQ ökılderıne nemese qarapaiym halyqtyŋ jazba hattaryna kedergı jasauşy top ökılderı enedı.
2 şılde - Halyqaralyq sport jurnalistikasy künı
Halyqaralyq sport jurnalistikasy künı 1995 jyly Halyqaralyq sport baspasözı qūrylymynyŋ şeşımı boiynşa şılde aiynyŋ 2 jūldyzyna bekıtıldı. Däl osy künı 1924 jyly Parij qalasynda Halyqaralyq Sport Baspasözı Assosiasiiasy qūrylǧan bolatyn. Halyqty ūltyna qaramai, dını men näsılıne bölmei bırdei qabyldaityn sporttyq şaralar men saiystardyŋ jarşylary sanalatyn mamandarǧa bügıngı uaqytta qūrmet erekşe. Sol sebeptı de halyqaralyq assosiasiia da jyl saiyn osy merekede öz ısınıŋ maitalmandaryn arnaiy jüldelermen marapattap otyrady.
21 qaraşa - Bükılälemdık televidenie künı
HH ǧasyrdyŋ aiaǧyndaǧy köptegen memleketaralyq qaqtyǧystar kezınde telehabarlar men telearnalardyŋ elderdı kelısımge keltıru jolyndaǧy eŋbegı orasan zor boldy. Älemdık oqiǧalarǧa degen özgerısterdıŋ baǧasyn BŪŪ ädıl berdı. 1996 jyly ötken BŪŪ Bas Assambleiasynda atalǧan mäseleler talqylanyp, 21 qaraşa künın resmi türde Bükılälemdık televidenie künı dep bekıttı. Būl data 1996 jyly ötken Bükılälemdık Televiziialyq forummen de bailanysty boldy.
1933 jyly orys ūltynan şyqqan amerikandyq injener Vladimir Zvorykinnıŋ aşqan jaŋalyqtarynyŋ nätijesınde Ūlybritaniia, Germaniia memleketterı tarihtaǧy alǧaşqy telehabarlardy taratty. Bastapqyda öz uaqytynyŋ jaŋalyqtaryn ǧana jariialap otyrǧan televidenie qazırgı uaqytta ūlt pen ūltty, el men eldı bailanystyryp otyrǧan ūǧymǧa ainaldy. Tıptı özge eldıŋ mädenietın sıŋıru üşın sol memlekettıŋ telekanaldaryn qarasaŋyz äbden jetkılıktı. Halyqaralyq mereke telearnalardyŋ däl osy filosofiialyq ūstanymdary üşın qabyldanǧan bolatyn.
Uaqyt ötken saiyn maŋyzy ūlǧaiyp jatqan BAQ ökılderıne degen merekelerdıŋ bır şoǧyrymen sızderdı tanystyrdyq. Zamannyŋ jarşysy sanalatyn būl tūlǧalarǧa degen halyqtyŋ qūrmetı azaiǧan emes. Bız de künı keşe ötken merekemen elımızdıŋ qalam terbegen baspasöz qyzmetşılerın şyn jürekten qūttyqtaimyz. Qalamdaryŋyz talmasyn, tek beibıtşılıktıŋ jarşysy bolyŋyzdar!
Quandyq Körgenov
Ūqsas jaŋalyqtar
