Qurmetti jýrnalıster men blogerler, «Ádil sóz» sóz bostandyǵyn qorǵaý halyqaralyq qory «Sheshim jýrnalıstıkasynyń zerthanasy» jobasynyń ekinshi legine qatysýǵa ótinishterdi qabyldaý sanaýly kúnnen keıin – 19 qarashada aıaqtalatynyn eske salady.
«Sheshimderdiń jýrnalıstıka zerthanasy» jobasy Qazaqstan Respýblıkasyndaǵy Ulybrıtanııa Elshiliginiń qoldaýymen júzege asyrylýda. Jobaǵa qatysý jýrnalıster, blogerler men ınflıýenserler úshin qoǵamdaǵy ózekti máselelerdi anyqtap qana qoımaı, sonymen qatar olardyń tıimdi sheshimderin tabýǵa baǵyttalǵan jýrnalıstıkanyń jańa ozyq janrynda ózderin synap kórýdiń biregeı múmkindigi bolyp tabylady. Bul joba da óz bedelin nyǵaıtyp, aýdıtorııasyn keńeıtip, materıaldarynyń senimdiligin arttyrǵysy keletin BAQ-qa da arnalǵan.
"Sheshim jýrnalıstıkasynyń zerthanasy" jobaǵa qatysý úshin irikteletin keminde 50 jýrnalıst úshin "jaıly aımaq" qurady. Olar tehnıkalyq, qarjylyq, qajet bolǵan jaǵdaıda zańgerlik jáne tálimgerlik qoldaý alady. Óńirlik qazaq tildi jýrnalısterge olardyń reportajdaryn odan da tereńirek jáne kúrdeli etýge kómektesý úshin erekshe nazar aýdarylatyn bolady.
"Sheshim jýrnalıstıkasynyń zerthanasy" jobasy memlekettik qarajatty paıdalanýdyń ashyqtyǵy, ekonomıka salasyndaǵy jýrnalıstik tergeýler jáne klımattyń ózgerýi sııaqty mańyzdy taqyryptardy obektıvti jarııalaýdy qoldaı otyryp, Qazaqstannyń aqparattyq qaýipsizdigine úles qosady. Tájirıbe kórsetkendeı, mundaı reportajdar Úkimet pen jergilikti atqarýshy organdardyń tıisti salalardaǵy jumysyn sózben emes, is júzinde jaqsartýǵa ıtermeleıdi. Sondaı-aq mundaı jumystar oqyrmandar men kórermenderdi kóbirek qyzyqtyrý arqyly, qazaqstandyq BAQ-ty alǵa jyljytyp, damytýǵa yqpal etedi.
Jobaǵa qatysýshylar taqyrypty zertteýge múmkindik alady, sonymen qatar olarǵa materıaldardy daıyndaý jáne jarııalaýda qoldaý kórsetiledi. Sonymen qatar, ótemaqy, jol júrý aqysy jáne aqyly derekter bazasyna qol jetkizý qarastyrylǵan.
www.solvefuture.kz saıtynda ótinish jiberip, bizdiń komandaǵa qosylyńyz!
Qosymsha aqparat alý úshin jobanyń resmı saıtyna kirińiz, info@solvefuture.kz elektrondy poshtasyna jazyńyz nemese +7 777 400 2210 telefonyna habarlasyńyz.
Sheshim jýrnalıstıkasynyń zerthanasy jobasy – jýrnalıstıkanyń áli de tórtinshi bılik ekenin dáleldeýge múmkindik.
