"Dúnıe ıfrlanyp jatqanda, malǵa azyq taýyp bere almaı jatqanymyz óte uıat" - Májilis depýtaty

2771
Adyrna.kz Telegram

Májilis depýtaty Edil Jańbyrshın qýańshylyqtan zardap shekken óńirlerde tótenshe jaǵdaı engizýdi usyndy, dep habarlaıdy "Adyrna" ulttyq portaly Sputnik Qazaqstan saıtyna silteme jasap.

"Teńizder men ózenderdiń tartylýy, jaýyn-shashynnyń normadan az túsýi kóptegen aımaqtyń, sonyń ishinde Atyraý, Aqtóbe, Qyzylorda, Mańǵystaý jáne Túrkistan oblystarynyń sharýalaryna qıyndyq týǵyzýda. Ásirese, Mańǵystaý men Qyzylorda oblystarynda ata-babamyzdan qalǵan asyl muranyń biri – tórt túlik maldy ustap otyrǵan sharýashylyqtar men turǵyndar asa aýyr jaǵdaıda", - dedi Jańbyrshın májilistiń jalpy otyrysynda.

Depýtattyń aıtýynsha, sý tapshylyǵy men qýańshylyq saldarynan jaılymdyq jerlerdiń jaǵdaıy múshkil. Maldyń shyǵyny kóbeıip ketti. Resmı málimetke sáıkes, ótken jyly Mańǵystaý oblysynda 4 883 mal basynyń ólimi tirkelse, bıyl úsh aıdyń ishinde ǵana 1 332 bas mal ólgen.

"Bul málimet tek syrǵalanǵan, tirkelgen mal shyǵyny boıynsha ǵana, al qalyń buqaranyń qansha maly qyrylǵany belgisiz. Mundaı jaǵdaı Qyzylorda oblysynda da tirkelip, 481 bas mal ólgen. Bul jaǵdaı mal azyǵynyń baǵasyn eselep kóterip jiberdi. Mańǵystaýda bir túk shóptiń baǵasy 17 myń teńge bolsa, bir keli arpanyń baǵasy 95 teńgege jetti. Al kórshiles Aqtóbe oblysynda sol bir túk shóp 4 myń teńge turady", - dep atap kórsetti Jańbyrshın.

Qazirgi kezde aýyl sharýashylyǵy mınıstrligi jáne jergilikti atqarýshy organdary jem-shóp jetkizý boıynsha jumysty qolǵa aldy. Alaıda ol kómek bárine birdeı jetip otyrǵan joq. Bunyń barlyǵy árbir óńirdiń erekshelikterin eskere otyryp, ǵylymı zertteýlerge negizdelgen elimizdiń mal sharýashylyǵyn damytýǵa jáne onyń azyǵyn daıyndaýǵa arnalǵan júıeli jáne josparly jumystyń joqtyǵyn aıqyn kórsetip otyr.

"XXI ǵasyrda kosmosty ıgerip, Avstralııa men Kanadan asyl tuqymdy mal aldyryp, dúnıeniń bárin ıfrlandyryp jatqanda, malǵa azyq taýyp bere almaı jatqanymyz óte uıat! Qazaq atymyzǵa syn emes pe?", - deıdi Jańbyrshın.

Májilismen úkimetke depýtattyq saýal joldap, jut jaılaǵan naqty aýdandar men aımaqtarda shuǵyl túrde jergilikti dárejedegi tótenshe jaǵdaı jarııalaýdy usyndy. Sonyń aıasynda sharýalarǵa materıaldyq qorlardan naqty kómek berilýi kerek. Budan bólek, kórshi oblystardan tasymaldanatyn mal azyǵynyń jol shyǵyndaryn sýbsıdııalap, tez arada mal jaıýǵa jáne mal azyǵyn daıyndaýǵa jer telimderi ýaqytsha paıdalanýǵa berilýi qajet.

 

Pikirler