Mäjılıs deputaty Bolat Kerımbek biudjet şyǧyndaryn oŋtailandyru maqsatynda äskeri qyzmetkerlerdıŋ otbasylaryna arnalǧan tölemder men jeŋıldıkterdı qysqartu jönındegı tüzetulerdı ūsyndy, dep habarlaidy "Adyrna" ūlttyq portaly.
Zaŋ jobasynda äskeri jäne arnaiy oqu oryndarynan tömen ülgerım sebebımen şyǧarylǧan magistrant jäne doktorant ofiserlerge berıletın keibır ötemaqylardy joiu qarastyrylǧan.
Deputattyŋ aituynşa, ūsynylǧan normalar memlekettık şyǧyndardy tiımdı paidalanu men biudjettık resurstardy oŋtaily jūmsauǧa mümkındık beredı.
Sonymen qatar, eger ekeuı de äskeri qyzmetker nemese qūqyq qorǧau organdarynyŋ qyzmetkerı bolsa, qyzmettık auys kezınde mülıktı tasymaldauǧa arnalǧan ötemaqy tek bıreuıne tölenetın bolady.
«Eger ekeuı de äskeri qyzmetker nemese qūqyq qorǧau organdarynyŋ qyzmetkerı bolsa, qyzmetke auysu kezınde mülıktı tasymaldauǧa ketken şyǧyndardy ötemaqy tek bıreuıne ǧana qarastyrylady», – dedı Bolat Kerımbek.
Osy zaŋ jobasy qabyldanǧan jaǧdaida, biudjettık şyǧyndardy azaitu jäne memlekettık qarajatty tiımdı paidalanu közdelıp otyr.
