Jyl saıyn kóktem shyǵa sý tasqyny bolyp, halyqty áýre-sarsańǵa salady. Jylda qaıtalatyn osy úrdisti bir jola sheshýge bola ma?
Kóktem kelgen saıyn sý tasqynynan adam, mal shyǵyny, materıaldyq shyǵyndarǵa jol beriledi. Máseleniń basy-qasynda Tótenshe jaǵdaı qyzmetiniń ókilderi, ákimdik adamdary bolmasa, halyq qalaýlysy degen depýtattardy kóre almaısyń. Bıylǵy erekshelik – sý máselesimen aınalysady degen jańa vedomstvo, Sý resýrstary jáne ırrıgaııa mınıstrligi qurylǵannan beri sý tasqyny birinshi ret bolyp otyr. Alaıda is basynda, sý bógetteri men gıdronysandar qasynda qazirgideı syn saǵatta arnaıy mekemeniń ókilderin kórmeısiń. Áli de sol baıaǵy Tótenshe jaǵdaı qyzmeti men ákimdik ókilderi, jergilikti turǵyndar janushyryp júrgeni. Arnaıy mınıstrlik qurylǵan soń jylda qaıtalanatyn osy túıtkildi birjolata sheshýge bolmas pa edi?
Osy suraqty «Aýyl» partııasynyń atynan Májilis depýtaty bolǵan Anas Baqqojaevqa qoıdyq.
– Astananyń irgesindegi Qoıandy aýylyn sý basyp, halyq kósheni jaýyp tastady. Astanadan myń shaqyrym jerdegi aýyldy aıtpaǵanda elordanyń irgesinde osyndaı bolyp jatqanǵa «Aýyl» partııasy qandaı reakııa kórsetedi?
– Endi «Aýyl» partııasynyń atynan jaýap bermeı-aq qoıayn. Buǵan deıin prezıdentimiz «Sý qoımalaryn daıyndaý kerek» dep aıtty ǵoı. Meniń oıymsha, bul jerde Úkimettiń jibergen qateligi bar. Jyl saıyn, kóktemde osy másele týyndaıdy. Osynyń kosmotúsirilimderin jasap, qaı jerde sý kóp jınalatynyn anyqtap, sý qoımalaryn uıymdastyrý kerek edi. Biraq ol jumysty áli de bolsa eshkim qolǵa alǵan joq.
Jaqynda Sý kodeksi keldi, onda biraq tek sýdyń máselesi qarastyrylǵan. Al buǵan deıin prezıdent «20 sý qoımasy qurylý kerek» dep tapsyrma berdi. Ol 20 sý qoımasy qalaı qurylady? Osy qoımany salatyn kezde kóktemde sý basyp ketetin aımaq nege eskerilmeıdi degen suraq týyndaıdy. Meniń oıymsha, osy jumystardyń oryndalýyn talap etý kerek.
– Iaǵnı, sizdiń aıtýyńyzsha, ár aýylda sý qoımasy bolý kerek qoı...
– Árıne. Ár aýyldyń sý jınalatyn jerleri bar. Zamanaýı tehnıka damyǵan kezde, spýtnıktik túsirilimder bar kezde, osy másele nege eskerilmeıdi? Men sony uqpaı qoıdym. Sondyqtan da men Úkimetten osy jumystardyń oryndalýyn talap etemin. Damba arqyly sýdy jınaqtap, arnaıy sý retinde paıdalanýǵa bolady. Qazir biz HHI ǵasyrda ómir súrip jatyrmyz ǵoı.
– «Aýyl» partııasy Qoıandy sekildi sý basqan aımaqqa baryp, halyqtyń jaǵdaıyn bile me?
– Baryp júrmiz ǵoı. «Aýyl» partııasynyń fılıaldary barlyq jerde bar. Bul máseleler áleýmettik jelide kóterilip jatyr. Biraq bul máseleniń kóterilgeninen ne paıda? Onyń sheshý jolyn tabý kerek. Al sheshý joly Úkimettiń qolynda, sebebi aqsha solardyń qolynda. Bul másele júıeli sheshilý úshin kóktemde sý turaqty jınalatyn jerlerge qoıma salyp, paıdalanýymyz kerek.
– Sizdiń oıyńyzsha, bul máseleni sý qoımasy arqyly sheshýge bolady. Oǵan Úkimettiń pármeni nege jetpeı otyr?
– Árıne, bul máseleni sý qoımasy arqyly sheshýge bolady. Biraq oǵan úkimettiń pármeni jetpeıdi emes, aqsha jetpeıdi. Sodan keıin bizde qate ıdeıalar kóp ketip jatady. Negizi iske asyratyn sharýaǵa baılanysty jaqsy ıdeıa kerek qoı. Aqshany tıimdi qurtyp, tıimdi shyǵynǵa túsip, ony tezirek oryndaýdyń amalyn taba almaı jatyr.
Shynar Aqjanqyzy
