Bilim jáne ǵylym mınıstri Ashat Aımaǵambetov barlyq irikteý is-sharanyń formatyn ashyqtyq pen ádildikti qamtamasyz etý úshin ózgertip jatqandaryn aıtty. Bul týraly mınıstr facebook-tegi paraqshasynda jazdy.
Jaqynda UBT-ny elektrondyq formatqa kóshirý týraly post jarııaladym. Bul ózgeristerdi qoǵam jaqsy qabyldap, qoldaý bildirdi. Biraq, biz tek osy emtıhandy ǵana emes, barlyq irikteý is-sharalarynyń formatyn ashyqtyq pen ádildikti qamtamasyz etý úshin ózgertýdemiz, - dep jazdy Ashat Aımaǵambetov.
Mınıstr osy bastamalarǵa qysqasha toqtalyp ótti.
Birinshiden, oqýshylardyń pándik Olımpıadasy. Biz bıyl aqpan aıynda alǵash ret oqýshylar arasynda respýblıkalyq olımpıadany elektrondyq formatta ótkizdik. Ár qatysýshyǵa jeke kompıýter berildi, ár oqýshynyń is-áreketin beınekamera baqylap otyrdy. Sonymen qatar arnaıy ortalyqta kezekshiler barlyq proesti qadaǵalaı alyp, proktorıng júıesi de qoldanyldy. Áleýmettik jelilerde jáne arnaıy portalda ashyq translıaııa júrgizildi. Buǵan qosa, biz bıyl olımpıada tapsyrmalaryn tekserý júıesin de ózgerttik. Buryn qazylar alqasy múshelerine balalardyń jumystary proporıonaldy túrde berilse, endi baǵalaý kezinde sýbektıvızmdi tómendetý úshin qazylar alqasynyń ár múshesi bir ǵana tapsyrmany kórip, baǵalaı aldy.
Kelesi jyldary da olıpıadanyń oblystyq jáne respýblıkalyq kezenderi tek ǵana osyndaı formatta ótetin bolady.
Ekinshiden, doktorantýraǵa qabyldaý. Bıyl doktorantýraǵa túsý emtıhandary da UBT-ǵa qoıylǵan talaptar negizinde jáne Ulttyq biryńǵaı testileý júrgizilgen pýnktterde ótedi.
Bul bizge «rektorlar tizimi» degen alyp-qashpa sózdi jáne osyndaı táýekelderdi umytyp, doktorantýraǵa eń myqty jáne laıyqty úmitkerlerdiń oqýǵa túsýine tıisti jaǵdaı jasaýǵa múmkindik beredi dep oılaımyn.
Esseni de, basqa da tapsyrmalardy da osy kompıýterlermen beınekameralardyń aldynda otyryp jazatyn bolady.
Úshinshiden, magıstratýraǵa túsý. Ótken jyly biz magıstratýraǵa túsýshilerdiń emtıhandaryn pılottyq rejımde elektrondyq formatta qabyldadyq. Oqýǵa túsken azamattar emtıhannyń rasynda ádil túrde ótkenin aıtyp jatyr. Bıyl bul jumys jalǵasyn tabady. Budan bylaı magıstratýranyń emtıhandary osy formatta ótedi.
Mınıstr bolyp taǵaıyndalǵannan keıin birden pedagogterge arnalǵan Ulttyq biliktilik testileýdi qaǵaz formatynan elektrondyq formatqa kóshirgenimiz esterińizde bolar. Osyǵan baılanysty testileýdi jaqsy tapsyrǵan adamdardyń sany birden birneshe ese qysqarǵanyna qaramastan, bul júıe sybaılas jemqorlyq pen kóshirip alý táýekelderin azaıtýǵa múmkindik berdi, - dep jazdy ol.
Mınıstr ádildik, ashyqtyq, akademııalyq adaldyq jumystaǵy negizgi qaǵıdattar ekeie aıtty.
Bul baǵyttaǵy jumystyń áli de jetildiriletin tustary bar ekenin bilemiz. Osylaısha, olımpıadalardy, UBT-ny uıymdastyrýdan bastap magıstratýra men doktorantýraǵa túskenge deıingi barlyq proesti elektrondyq formatqa kóshirdik. Osyndaı jańashyldyqtar arqyly ádildik pen ashyqtyqqa baǵyttalǵan bastamalarymyzdy júzege asyryp jatyrmyz. Ashyqtyqty jáne naqty básekelestikti qamtamasyz ete otyryp, bilim berý júıesine degen senimdi de arttyramyz. Ádildik, ashyqtyq, akademııalyq adaldyq - bul bizdiń jumysymyzdaǵy negizgi qaǵıdattar, - dedi ol.
