Qazaqstan musylmandary Oraza aıt - qasıetti Ramazan aıynyń aıaqtalýyna arnalǵan meıramdy atap ótýde, dep habarlaıdy "Adyrna" ulttyq portaly.
Aıt - musylmandardyń uly meıramy. Islam dininde eki aıt meıramy bar. Ol oraza aıt, Qurban Aıt dep atalady. Oraza aıt otyz kún oraza bitkennen keıin sháýýal aıynyń 1-3 kúnderi ótedi. Oraza aıaqtalǵan soń musylman qaýymy tańerteń meshitte aıt namazyn oqýy paryz. Oraza aıyn ramazan aıy dep te aıtady. Pitir sadaqasy da osy aıda beriledi. Ony ár musylman meshitke aparyp beredi. Muhammed (s.ǵ.s.) paıǵambar Alla taǵalanyń sózin osy ramazan aıynda estigen. Qurban aıt Oraza aıttan 70 kúnnen keıin bastalyp, úsh kúnge sozylady.
Bıyl Oraza aıt meıramy 13 mamyrǵa sáıkes kelip otyr.
Sizge jáne sizdiń jaqyndaryńyzǵa baqyt pen bereke, zor densaýlyq jáne jumystaryńyzǵa sáttilik tileımin. Oraza aıt - adamzatty jaqsylyqqa, dostyq pen baýyrmaldyqqa, baqyt pen meıirimdilikke baýlı otyryp, qýanysh pen jaqsylyq syılaıtyn mereke. Meıram kúni búkil álem musylmandary quttyqtaýlaryn taratýda, týystarymen birge meıramdy atap ótýde. Olar sondaı-aq kómekke muqtajdarǵa járdemdesip baqytqa bólenýde. Aıt - bul otbasylyq meıram. Bul kúni biz ata-anamyzǵa, balalarymyzǵa, baýyrlarymyzǵa qýanysh syılaımyz, qarttarǵa, jetimder men múgedekterge kómektesemiz, dep QMDB-nyń bastyǵy, Bas múftı Naýryzbaı qajy Taǵanuly Qazaqstan halqyna óz sózin joldady.
Pitir-sadaqa bıyl 420 teńge mólsherin qurady.
QMDB Oraza aıt namazy elde meshitterdiń aýlasynda (jergilikti bas sanıtarlyq dárigerlerdiń ruqsatymen) oqylatynyn aıtty.
Eń bastysy, kelesi saqtyq sharalaryna basa nazar aýdarylýy tıis: betperde kııý nemese namazdan keıin qol alysýdan aýlaq bolý, meshit aýmaǵynan namaz aıaqtalǵannan keıin birden shyǵý nemese ózge qulshylyqtardy jasaýda shekten tys adamdardyń shoǵyrlanbaýyn qadaǵalanýy kerek, delingen habarlamada.
"Adyrna" ulttyq portaly
