«QR keıbir zańnamalyq aktilerge aqparatqa qol jetkizý jáne qoǵamdyq qatysý máseleleri boıynsha ózgerister men tolyqtyrýlar engizý týraly» Zań jobasyn ázirleý jónindegi jumys tobynyń úshinshi otyrysy ótti.
Otyrys aıasynda jumys tobynyń músheleri myna máselelerdi talqylady.
• Qorshaǵan ortany qorǵaý salasyndaǵy ýákiletti organnyń jáne jergilikti atqarýshy organdardyń ınternet-resýrstaryndaǵy esepterdiń jobalaryna, sondaı-aq, memlekettik ekologııalyq saraptamanyń qorytyndylaryna (ýaqyt boıynsha) eshqandaı shekteýsiz qoljetimdilik jasaý (qazir qujattar 30 kúnge jarııalanady);
• qoǵamdyq tyńdaýlardy otyrystar negizinde ǵana emes, ınternet-konferenııalar túrinde de ótkizý;
• quramynda polıhlordıfenıl bar jabdyqtardy esepke alý tizilimin ashyq qoljetimdilikte jarııalaý;
• jergilikti atqarýshy organdarǵa sýdy paıdalaný jónindegi aqparatty turaqty túrde ornalastyryp turýdy mindetteý.
Sonymen qatar, zańnyń jańa tarmaǵyna qatysty da talqy boldy. Múgedektigi bar adamdardyń ókilderi memlekettik tilde sóıleý sıntezi men aýdıodeskrıpııany engizýdi usyndy.
Esterińizge sala keteıik, Qazaqstan Orhýs konvenııasyna jáne BUU Múgedekterdiń quqyqtary týraly konvenııaǵa qatysýshy el.
Zań jobasy azamattyq sektor jáne sarapshylar qaýymdastyǵynyń múddeli ókilderimen tyǵyz talqylanyp jatyr.
"Adyrna" ulttyq portaly
