Memleket basshysy Qasym-Jomart Toqaev alapat jer silkinisinen keıin saldaryn joıý úshin úkimetke Túrkııa Respýblıkasyna kómek kórsetýdi tapsyrdy. Úkimetiniń ótinishi boıynsha zardap shekken óńirlerge qazaqstandyq qutqarýshylar men dárigerler ushady. Bul týraly Aqorda jarııalady, dep habarlaıdy “Adyrna” ulttyq portaly.
Buǵan deıin Syrtqy ister mınıstrligi jer silkinisi kezinde zardap shekkender qazaqstandyqtar týraly aqparattyń kelip túspegenin málimdegen.
"Syrtqy ister mınıstrligi men Tótenshe jaǵdaılar mınıstrligi túrik bıligimen baılanys ornatty. Jaqyn arada Túrkııa Úkimetiniń ótinishi boıynsha zardap shekken óńirlerge qazaqstandyq qutqarýshylar men dárigerler ushady", – delingen Aqorda habarlamasynda.
Joıqyn jer silkinisinen keıin málimdeme jasaǵan Túrkııa prezıdenti Redjep Taıyp Erdoǵan opat bolǵandar sany 912 adamǵa jetkenin aıtty. Taǵy 5 385 adam túrli jaraqat alǵan.
Aıta keteıik, búgin, 6 aqpanda bolǵan zilzala 1939 jyldan keıin bolǵan eń iri jer silkinisi. 1939 jyly jer silkinisinen 33 myń adam kóz jumǵan.
