Egemendik tartýy: "Jetisý" klýbynyń ardagerleri marapattaldy

2802
Adyrna.kz Telegram

El táýelsizdiginiń 30 jyldyǵy men jeruıyq meken Almaty oblysynda "Jetisý" fýtbol klýbynyń qurylǵanyna 40 jyl tolýyna oraı oblystyq dene shynyqtyrý jáne sport basqarmasynyń ókilderi klýb ardagerleri men úzdikterin marapattady.

Saltanatty shara barysynda sóz alǵan oblystyq dene shynyqtyrý jáne sport basqarmasynyń Nurbaqyt Teńizbaev "Jetisý" fýtbol klýbynyń óńir sportyn alǵa súıreýde, jasóspirimderdiń salaýatty ómir saltyn qalyptastyryp, sportqa degen yqylasyn oıatýda ózindik mańyzdy ról oınaǵanyn tilge tıek etti. Sondaı-aq el egemendigimen tuspa-tus kelgen aıtýly "datanyń da" tegin emesin, "Jetisý" komandasy táýelsizdikpen bir jasasyp, áli de bıik belesterdi baǵyndyratynyna senimdi ekenin jetkizdi.

Mereıli mereke kezinde basqarma basshysy fýtbol klýbynyń ardager-aqsaqaly, "Jetisýdyń" ár oıynyn kórermenge támpishtep jetkizgen dıktor, satıdonnyń eks-dırektory Gennadıı Mıshenkony "Almaty oblysy sport salasynyń úzdigi" tósbelgisimen, ózge fýtbol klýby ardagerlerin qurmet gramotasymen marapattady.

Mundaı qurmette sala ardagerleri basqarma basshylyǵyna alǵaýsyz alǵysyn bildirip, óńir sportyn alǵa ilgeriletýde áli de eleýli eńbek etip, jas sportshylardy bıik belesterge shyǵarýda aıanyp qalmaıtynyn jetkizdi.

Pikirler