Dıas TILEÝBAI: Elimizde jastardyń bilim alýyna jaǵdaı jasalyp jatyr

2776
Adyrna.kz Telegram

Ár adamnyń alǵa qoıǵan maqsaty bar, ol maqsatqa jetý jolynda kóptegen amaldar qoldanyp, jospar quramyz. Men Taldyqorǵan joǵary polıtehnıkalyq kolledjiniń «Aqparattyq júıeler» mamandyǵynyń stýdentimin. Atalǵan kolledjdi tańdaǵan sebebim — tehnıkalyq jáne kásiptik bilim beretin úzdik oqý oryndarnyń biri. Munda qabiletimizdi shyńdap, baǵyt-baǵdar berip otyratyn ustazdardyń eńbegi zor.

2020 jyly Taldyqorǵan joǵary polıtehnıkalyq kolledji mereıli 85 jyldyǵyn atap ótti. Oqý ordamyz jyldan-jylǵa damyp, órkendeý ústinde. Kolledjde Respýblıka deńgeıindegi «Jas maman» jobasy iske asyrylýda. Joba barysynda kolledj bazasy jańa jabdyqtarmen tolyǵyp, zamanǵa saı bilikti maman daıyndaý maqsatyn qolǵa aldy.

2020 jyly WorldSkills aımaqtyq chempıonatyna qatysyp, «Veb-dızaın jáne ázirleý» quzyrettiligi boıynsha júldeli I orynǵa ıe boldym. Bul jeńiske jetý jolynda «Jas maman» jobasy aıasynda qurylǵan WorldSkills jattyǵý ortalyǵy óz úlesin qosty. Endigi aldyma qoıǵan maqsatym - mamandyǵym boıynsha Respýblıka deńgeıinde júldeli orynǵa ıe bolý jáne bolashaqta ózimniń mamandyǵym boıynsha elimizdiń IT salasynynyń damýyna úlesimdi qosý.

Kolledjdiń 85 jyldyǵymen tuspa-tus kelgen taǵy bir jańalyǵymyz – stýdentterge arnalǵan jana zamanaýı jataqhana qoldanysqa berildi. Jataqhana sońǵy jańa turmystyq jabdyqtarmen qamtylǵan. Oqý ornyna jaqyn jerde ornalasqan. Jańa stýdentter úıiniń ashylýy, oblysymyzda jastarǵa jaıly jaǵdaılar jasalyp, kásiptik bilimdi ıgerýde, bilimdi de bilikti jas urpaqqa úlken qoldaýdyń belgisi.

Elimizde jastarǵa kóptegen jaǵdaı jasalýda. Bul biz úshin, maqsatqa jetý jolynda, bilikti maman bolyp qalyptasýda úlken múmkindikterge jol ashady.

Dıas TILEÝBAI,

Taldyqorǵan joǵary polıtehnıkalyq

kolledji «aqparattyq júıeler»

mamandyǵynyń 4-shi kýrs stýdenti

Pikirler