Memleket basşysy Qasym-Jomart Toqaev «Qazaqstan – akademiialyq bılım aimaǧy» strategiialyq serıktester forumynda söz söiledı. Būl turaly Aqorda jazdy, dep habarlaidy "Adyrna".
Forum barysynda ol älemnıŋ 40 jetekşı universitetımen serıktestık ornatylyp, elımızde şeteldık joǧary oqu oryndarynyŋ 33 filialy aşylatynyn aitty.
Prezident Ortalyq Aziia elderındegı jäne bızdıŋ aimaqpen körşıles bırqatar memlekettegı demografiialyq körsetkıştıŋ artuy joǧary bılımdı eksporttauǧa jäne şetel studentterın elımızge tartuǧa eleulı mümkındık beredı dep sanaidy.
"Qazaqstan jahandyq bılım naryǧynyŋ bır bölıgıne ainaludy közdep otyr. Sondyqtan aldymyzǧa kürdelı, alaida asa maŋyzdy maqsat qoidyq. Oǧan jetu üşın älemnıŋ 40 jetekşı universitetımen serıktestık ornatylyp, elımızde şeteldık joǧary oqu oryndarynyŋ 33 filialy aşyldy. Köptegen filialda oqu aǧylşyn, orys, qytai tılderınde jürgızıledı. Būl – asa maŋyzdy. Öitkenı bılım beru salasyndaǧy köptıldılık adamdardyŋ nemese universitetterdıŋ, tıptı, tūtas memleketterdıŋ aşyqtyǧy men bäseke qabılettılıgınıŋ negızın qalaidy. Keleşekte de solai bolmaq. Oǧan eş kümän joq. Sondyqtan älemdık akademiialyq keŋıstıkke şyǧuǧa sanaly türde maŋyzdy qadam jasadyq. Būǧan qosa barlyq filialda qazaq tılı men Qazaqstan tarihy mındettı pän retınde oqytylady. Būl şeteldık studentterdıŋ mädenietımız ben mentalitetımızdı tereŋ tüsınuıne kömektesedı", – dedı Qasym-Jomart Toqaev.
