ءار ادامنىڭ العا قويعان ماقساتى بار، ول ماقساتقا جەتۋ جولىندا كوپتەگەن امالدار قولدانىپ، جوسپار قۇرامىز. مەن تالدىقورعان جوعارى پوليتەحنيكالىق كوللەدجىنىڭ «اقپاراتتىق جۇيەلەر» ماماندىعىنىڭ ستۋدەنتىمىن. اتالعان كوللەدجدى تاڭداعان سەبەبىم — تەحنيكالىق جانە كاسىپتىك ءبىلىم بەرەتىن ۇزدىك وقۋ ورىندارنىڭ ءبىرى. مۇندا قابىلەتىمىزدى شىڭداپ، باعىت-باعدار بەرىپ وتىراتىن ۇستازداردىڭ ەڭبەگى زور.
2020 جىلى تالدىقورعان جوعارى پوليتەحنيكالىق كوللەدجى مەرەيلى 85 جىلدىعىن اتاپ ءوتتى. وقۋ وردامىز جىلدان-جىلعا دامىپ، وركەندەۋ ۇستىندە. كوللەدجدە رەسپۋبليكا دەڭگەيىندەگى «جاس مامان» جوباسى ىسكە اسىرىلۋدا. جوبا بارىسىندا كوللەدج بازاسى جاڭا جابدىقتارمەن تولىعىپ، زامانعا ساي بىلىكتى مامان دايىنداۋ ماقساتىن قولعا الدى.
2020 جىلى WorldSkills ايماقتىق چەمپيوناتىنا قاتىسىپ، «ۆەب-ديزاين جانە ازىرلەۋ» قۇزىرەتتىلىگى بويىنشا جۇلدەلى ءى ورىنعا يە بولدىم. بۇل جەڭىسكە جەتۋ جولىندا «جاس مامان» جوباسى اياسىندا قۇرىلعان WorldSkills جاتتىعۋ ورتالىعى ءوز ۇلەسىن قوستى. ەندىگى الدىما قويعان ماقساتىم - ماماندىعىم بويىنشا رەسپۋبليكا دەڭگەيىندە جۇلدەلى ورىنعا يە بولۋ جانە بولاشاقتا ءوزىمنىڭ ماماندىعىم بويىنشا ەلىمىزدىڭ IT سالاسىنىنىڭ دامۋىنا ۇلەسىمدى قوسۋ.
كوللەدجدىڭ 85 جىلدىعىمەن تۇسپا-تۇس كەلگەن تاعى ءبىر جاڭالىعىمىز – ستۋدەنتتەرگە ارنالعان جانا زاماناۋي جاتاقحانا قولدانىسقا بەرىلدى. جاتاقحانا سوڭعى جاڭا تۇرمىستىق جابدىقتارمەن قامتىلعان. وقۋ ورنىنا جاقىن جەردە ورنالاسقان. جاڭا ستۋدەنتتەر ءۇيىنىڭ اشىلۋى، وبلىسىمىزدا جاستارعا جايلى جاعدايلار جاسالىپ، كاسىپتىك ءبىلىمدى يگەرۋدە، ءبىلىمدى دە بىلىكتى جاس ۇرپاققا ۇلكەن قولداۋدىڭ بەلگىسى.
ەلىمىزدە جاستارعا كوپتەگەن جاعداي جاسالۋدا. بۇل ءبىز ءۇشىن، ماقساتقا جەتۋ جولىندا، بىلىكتى مامان بولىپ قالىپتاسۋدا ۇلكەن مۇمكىندىكتەرگە جول اشادى.
دياس تىلەۋباي،
تالدىقورعان جوعارى پوليتەحنيكالىق
كوللەدجى «اقپاراتتىق جۇيەلەر»
ماماندىعىنىڭ 4-ءشى كۋرس ستۋدەنتى
