«Prompt-injiniring negızderı» 15 akademiialyq saǧattan tūrady jäne 6 moduldı qamtidy. Sabaqtar tolyqtai onlain formatta ötedı, al kurs mazmūnyna täulık boiy qol jetkızuge bolady. Būl qatysuşylarǧa yŋǧaily keste qūryp, oqudy käsıbi qyzmetımen qatar alyp jüruge mümkındık beredı.
Kurs baǧdarlamasy:
- Mamandyqpen tanysu. Prompt-injener degen kım, onyŋ mındetterı men jasandy intellekt däuırındegı rölı.
- Negızgı ūǧymdardy tüsınu. Ülken tıldık modelder (LLM) qalai jūmys ısteidı, qalai üiretıledı jäne bizneste qaida qoldanylady.
- Prompt qūrudyŋ bastapqy daǧdylary. Jüielık prompttardy jasau jäne jasandy intellektpen dūrys ärekettesu.
- Jetıldırılgen täsılder. Neirojelılermen jūmys ısteudıŋ strategiialary men ülgılerı, daiyn prompt kıtaphanalary.
- Assistent jasau täjıribesı. Telegram-botpen integrasiialanǧan, derekter bazasy bar jeke AI-assistent äzırleu.
- Modernizasiia jäne jobalar. Assistenttıŋ mümkındıkterın keŋeitu, Google küntızbege kırıktıru, jobalardy GitHub-ta räsımdeu.
Atalǧan kurs Lerna kompaniiasymen serıktestıkte äzırlendı, bastama jasandy intellektımen jūmys ısteudıŋ jaŋa daǧdylaryn meŋgerıp, olardy täjıribede qoldanǧysy keletın jandareǧa arnalǧan.
Būl Astana Hub pen Lerna-nyŋ alǧaşqy bırlesken jobasy emes. Byltyr qyrküiekte «Jİ negızderı: ChatGPT» tegın kursy ıske qosylyp, qazaqstandyqtardyŋ jasandy intellekt tehnologiialaryna degen qyzyǧuşylyǧyn arttyrǧan edı. Bügınde kursqa 220 myŋnan astam adam tırkelıp, olardyŋ 120 myŋnan astamy oqudy sättı aiaqtap, sertifikat aldy.
Oqytu Qazaqstanda jasandy intellektını damytuǧa baǧyttalǧan auqymdy AI Movement bastamasy aiasynda jüzege asyrylady.
Eske salsaq, Memleket basşysy Qazaqstan halqyna Joldauynda: «Qazaqstan jasandy intellektını keŋınen qoldanatyn jäne sifrlyq tehnologiialardy damytyp jatqan elge ainaluǧa tiıs» dep atap ötken bolatyn.
