QR Ǵylym jáne joǵary bilim mınıstri Saıasat Nurbek 17 qarasha - Halyqaralyq stýdenttermen kúnimen quttyqtap, stýdenttik shaqtaǵy sýretterimen bólisti. Bul týraly "Adyrna" ulttyq portaly jazady.
"Búgin - Halyqaralyq stýdentter kúni! Osyǵan oraı elimizdegi barsha stýdentter qaýymyn merekemen quttyqtaımyn! Otandyq joǵary oqý oryndarynda bilim alyp jatqan 600 myńnan astam stýdentke memleket tarapynan jan-jaqty qoldaý kórsetilip keledi. Keshe ǵana Ǵylym jáne joǵary bilim mınıstrligi janynan qurylǵan Stýdentter Keńesiniń I otyrysy ótti. Oǵan ýnıversıtetterdegi 80-nen astam stýdenttik uıym jetekshileri kirdi. Basqosýda jastar stýdenttik ózin-ózi basqarýdy odan ári jetildirý, "100 kóshbasshy" sııaqty jobalardy damytý, "Stýdentterdi qoldaý ekojúıesin" qalyptastyrý aıasynda stýdentterdiń ulttyq odaǵyn qurý jáne taǵy basqa usynystaryn aıtty. Stýdent jastar da óz kóshbasshylarynyń bastamalaryn qoldaıtynyna jáne josparlanǵan jobalardy iske asyrýǵa belsendi qatysatynyna senimdimin. Men qazirgi jastardyń dúnıetanymyna úlken qurmetpen qaraımyn. Árqashan izdenimpaz, kóńildi jáne jigerli bolyńyzdar. Óz kúshterińizge senip, qıyndyqtardy eńsere bilseńizder jarqyn bolashaqqa jol ashylady. Áıgili amerıkalyq fılosof jáne qoǵam qaıratkeri Ralf Ý.Emerson aıtqandaı "Álem qaıda bara jatqanyn biletinderge esigin aıqara ashady".Sondyqtan sizderge sáttilik tileımin! Búgingi merekege oraı, qyzyǵy men shyjyǵy mol stýdenttik shaqtan estelik bolsyn dep, sýretterimdi jarııaladym. Bul bastamamdy áriptesterim Darhan Qydyráli, Ashat Aımaǵambetov pen Baǵdat Mýsın de qoldaıdy dep oılaımyn. Buny challenge dep esepteńizder", - dep jazdy mınıstr óziniń feısbýk paraqshasynda.
"Adyrna" ulttyq portaly
