Búgin Almatyda "Jańa qazaq ádebıeti" jobasy aıasynda jaryq kórgen kitaptardyń tusaýkeser rásimi ótti. Is-sharany QR Mádenıet jáne aqparat mınıstrligi men QR memlekettik Kitap palatasy uıymdastyrdy, dep habarlaıdy “Adyrna” ulttyq portaly.
Aıtýly jıynǵa Qazaqstan Respýblıkasy Mádenıet jáne aqparat vıe-mınıstri Arman Júdebaev, Qazaqstan Jazýshylar odaǵy Basqarma tóraǵasynyń orynbasary Nurjan Qýantaı jáne qoǵam qaıratkerleri, belgili qalamgerler, memlekettik baǵdarlamamen jaryqqa shyqqan kitap avtorlary men kitapty shyǵarýshy baspagerler, kitaphana qyzmetker qatysty.
"Memleket basshysy Túrkistanda ótken Ulttyq quryltaıda kitap ındýstrııasyn damytýǵa basa nazar aýdarǵany belgili. «Jańa qazaq ádebıeti» serııasymen shyqqan kitaptardyń tusaýkeseri Memleket basshysynyń tapsyrmasyn iske asyrýdaǵy úlken qadamdardyń biri. Bul serııamen buryn jaryq kórmegen, ádebıetke tyń serpin bergen jáne qazaq ádebıetiniń jańa kelbetin qalyptastyrýda aıryqsha oryn alatyn ádebıetter basylyp shyǵatyny barshańyzǵa málim. Jańa qazaq ádebıeti ókilderin qoldaý mınıstrliktiń árdaıym nazarynda"- dedi Arman Júdebaev.
«Jańa qazaq ádebıeti» jobasy «Ádebıettiń áleýmettik mańyzdy túrlerin satyp alý, basyp shyǵarý jáne taratý» respýblıkalyq bıýdjettik baǵdarlamasy aıasynda ótken jyldan beri qolǵa alynǵan biregeı bastama. 2022 jyly osy baǵdarlamamen 10 avtordyń kitaby jaryq kórip, árqaısy 3 myń danamen elimizdiń túpkir-túpkirine jetkizildi.
Bıyl jaryqqa shyqqan 14 kitaptyń barlyǵy da elimizdegi kitaphanalardyń qoryn tolyqtyrady.
Jıyn barysynda is-sharaǵa qatysýshylar qazirgi qazaq ádebıetiniń ózekti máselelerin talqylady.
