«Til-Qazyna» ulttyq ǵylymı-praktıkalyq ortalyǵy kórý qabileti tómen azamattarǵa arnalǵan ekran dıktory jobasyn tanystyrdy. Elimizde qazaq tilinde alǵash ret jasalǵan biregeı joba zaǵıp jandarǵa jańa múmkindikterdiń kókjıegin ashady.
Búgin Astana qalasynda «Ekrandyq dıktor» jobasynyń tanystyrylymy ótti. «Til-Qazyna» ulttyq ǵylymı-praktıkalyq ortalyǵynyń dırektory Maqpal Jumabaı qonaqtarǵa ekran dıktordy tanystyryp, jalpy onyń qajettiligi men mańyzyna toqtaldy.
– Ekran dıktory qyzmeti álemde eki myńynshy jyldardan beri qoldanylady. Al qazaq tilindegi qosymsha alǵash ret ázirlenip, kórý múmkindigi shekteýli adamdarǵa usynylǵaly otyr. Qajetti aprobaııadan ótkizdik. Qazaq tilindegi osy tektes alǵashqy joba bolǵandyqtan barlyq múmkindikterdi qarastyryp, jyldamdyqqa, daýys maqamyna, yrǵaqqa, naqtylyqqa, dızaınǵa bas mán berip, tutynýshylar úshin yńǵaıly bolýyn nazarǵa aldyq. TTS, ıaǵnı mátindi dybysqa túrlendiretin tehnologııa arqyly Android smartfondarǵa arnalǵan qosymsha ázirlendi. Aldaǵy ýaqytta IOS úshin arnaıy qosymsha iske qosylady, – dedi.
Jıyn barysynda QR Májilis depýtaty Kenjeǵul Seıitjan jobanyń testileýine qatysqandyǵyn aıtty.
– Qosymshanyń jumys isteý jyldamdyǵy, yrǵaq, tipti daýysty tańdaý batyrmasynyń bolýy, dybysty ulǵaıtý ne azaıtý fýnkııalary tutynýshynyń tózimine, jeke qabyldaý qabileti men sezimderin oılastyryp jasalǵan. Qazaq tilindegi kez kelgen málimetti múltiksiz oqyp tur. Qosymshany qoldaný úshin jańa bir dúnıeni úırený de qajet emes. Men Android-ta kóp jasamaıtyn bolǵandyqtan, IOS-taǵy nusqasyn asyǵa kútemin. Jalpy osy jobany júzege asyrǵan «Til-Qazyna» ujymyna alǵysymdy bildiremin, – dedi ol.
Kóz aýrýlary qazaq ǵylymı zertteý ınstıtýtynyń málimetine súıensek, Qazaqstanda 85 myńnan astam zaǵıp jan bar. Al olardyń 18 myńy – balalar. Sondyqtan iske qosylǵaly turǵan bul joba múmkindigi shekteýli azamattar úshin mol múmkindik bolmaq. Endi kóz janary nashar kóretin, múlde kórmeıtin qazaqtildi otandastarymyz qosymsha kómegimen eshkimge táýeldi bolmastan aqparatty óz betterimen oqıdy, tutynady, kádege jaratady. Sondaı-aq bul joba qoldanbaly bilim berý aspektisine de oń áserin tıgizedi. Kórý qabileti tómen oqýshylar men stýdentterdi oqytý barysynda qosymshany turaqty kómekshi qural retinde paıdalanýǵa bolady. Jalpy bul ınnovaııalyq qural múmkindigi shekteýli azamattardyń ómir sapasyn arttyryp, aqparatqa qoljetimdilikti, áleýmettik belsendilikti qamtamasyz etedi.
Qosymshaǵa silteme arqyly ótýge bolady.
Aıta keteıik, sharaǵa QR Ǵylym jáne joǵary bilim vıe-mınıstri Dınara eglova, ınklıýzıvti bilim berý mamany Zııat Ábdiqaıymov, qoǵam qaıratkerleri Orazgúl Asanǵazy, Almagúl Isına, Rınat Kertaev, «Múgedek jastar qoǵamy» qoǵamdyq birlestiginiń basshysy Murat Ábdimomynov, Til saıasaty komıtetiniń ókilderi, sondaı-aq taǵy basqa ǵalymdar men joba avtorlary, qoǵam belsendileri, men jýrnalıster qatysty.
