Osydan 122 jyl būryn, 1899 jyly Pavlodar oblysynyŋ Baianauyl audanynda ǧalym, Qazaqstan geologtary ǧylymi mektebınıŋ negızın qalauşy, qazaqstandyq metallogeniia ǧylymynyŋ negızın saluşy, geologiia-mineralogiia ǧylymdarynyŋ doktory, professor, Qazaqstan Ǧylym akademiiasyn ūiymdastyruşylardyŋ bırı ärı tūŋǧyş prezidentı Qanyş İmantaiūly SÄTBAEV düniege keldı.
Sauatyn auyl moldasynan aşqan bolaşaq ǧalym Pavlodardaǧy orys-qazaq mektebınde, Semei mūǧalımder seminariiasynda, Tomsk tehnologiia institutynyŋ tau-ken fakultetınde bılım alǧan. Mūǧalımder seminariiasynda J.Aimauytov, M.Äuezov syndy körnektı qairatkerlermen bırge oqyǧan. Ş.Qūdaiberdıūlymen tyǧyz bailanysta bolyp, onyŋ şyǧarmaşylyǧyn joǧary baǧalaǧan. «Alaş» qozǧalysy qairatkerlerınıŋ ıs-äreketıne qoldau bıldırgen.
1920-1941 jyldary Baianauylda halyq sudiasy, «Atbastüstımet» tresı geologiia bölımınıŋ, Qarsaqtai mys kombinaty geologiialyq barlau bölımınıŋ bastyǧy, kombinattyŋ bas geology qyzmetterın atqarǧan. 1941-1952 jyldary KSRO Ǧylym akademiiasy Qazaq bölımşesınıŋ qūramyndaǧy Geologiia ǧylymdary institutynyŋ direktory, KSRO Ǧylym akademiiasynyŋ Qazaq bölımşesı Töralqasy töraǧasynyŋ orynbasary, töraǧasy, Qazaqstan Ǧylym akademiiasynyŋ prezidentı bolǧan. 1952 jyly ämırşıldık jüienıŋ tarapynan qysymǧa ūşyrap, qyzmetınen tömendetılıp, Qazaq KSR Geologiia institutynyŋ direktory bolyp taǧaiyndalǧan. 1955 jyly Qazaq KSR Ǧylym akademiiasynyŋ prezidentı bolyp qaita sailanyp, ömırınıŋ soŋyna deiın osy qyzmettı atqarǧan. Qazaqstannyŋ qala, auyldarynda Sätbaev esımımen atalatyn jüzdegen köşe, 40-tan astam mektep bar.
Sondai-aq ǧalymǧa eskertkışter ornatylǧan. Onyŋ esımı Qazaqstan Ǧylym akademiiasynyŋ Geologiia ǧylymdary institutyna, bır qala men ǧalamşarǧa, elımızdıŋ eŋ ırı tehnikalyq oqu orny Qazaq ūlttyq tehnikalyq universitetıne berılgen. Sätbaevtyŋ qūrmetıne Joŋǧar (Jetısu) Alatauy jotasyndaǧy mūzdyq pen şyŋ, Qarataudaǧy vannadii ken ornynan tabylǧan «Sätbaevit» mineraly, «Akademik Sätbaev» gladiolius gülı atalǧan. 4 märte Lenin, 2-şı därejelı Otan soǧysy ordenderımen, medaldarmen marapattalǧan.
Ǧalym 1964 jyly qaitys boldy.
"Adyrna" ūlttyq portaly
Ūqsas jaŋalyqtar
