Búgin - Memlekettik Eltańbanyń avtory, sáýletshi Jandarbek Málibekovtiń týǵan kúni. Tiri ańyz 82 jasqa toldy.
Qazaqstannyń Eltańbasynyń avtory Jandarbek Málibekov 1942 jyly Qyzylorda oblysyndaǵyJańaqorǵan aýdanynyń Ekpindi aýylynda temirjolshylar otbasynda dúnıege keldi. 1959 jyly Tashkentke oqýǵa túsedi. 1965 jyly oqýdy támamdap, elge oralýdy kózdeıdi. Sol jyldardaǵy Keńes úkimeti júrgizgen solaqaı saıasattyń saldarynan jat elde qalýǵa týra keledi. Alaıda, sáýletshi Otanyna oralaryna sendi.
Senimi aldamaı, 2001 jyly Astanaǵa kóshti.
Aıta keteıik, 1992 jyldyń basynda Qazaqstan Respýblıkasynyń jańa memlekettik rámizderin daıyndaýǵa baıqaý jarııalanǵan bolatyn. Osy baıqaýǵa kóptegen talantty aqyndar, sazgerler, sýretshiler men sáýletshiler qatysty, olardyń qatarynda J.Málibekov te bolǵan.
1992 jylǵy sáýir aıynyń sońynda ol óz jobasyn Qazaqstan Respýblıkasy Joǵarǵy Keńesiniń keńsesine tapsyrady. Baıqaýǵa túsken 293 eltańba nusqalarynan Jandarbek Málibekovtiń jobasy jeńip shyqty.
