Bügın, 29 säuırde «Mahabbat sertı» atty mediajobanyŋ treilerı jaryq kördı. Būl – tanymal «Qozy Körpeş - Baian Sūlu» eposynyŋ jasandy intellekt kömegımen jasalǧan jaŋa interpretasiiasy, dep habarlaidy «Adyrna» tılşısı tengrinews.kz-ke sılteme jasap.
Tört bölımnen tūratyn joba «Baian Sūlu» konditerlık fabrikasynyŋ qoldauymen jüzege asqan.
«Būǧan deiın bız “Qozy Körpeş – Baian Sūlu” spektaklın qoldadyq, al qazır osy oqiǧanyŋ tehnologiialyq jaŋa formatta jalǧasyp jatqanyn körıp otyrmyz. Baian Sūlu turaly aŋyz – tek bızdıŋ fabrikanyŋ atauy ǧana emes, ol özımızdı säikestendıretın mädeni kodtyŋ bır bölıgı. Jİ-serial būl eposty jaŋa qyrynan tanytady. Sondai-aq ony jas auditoriiaǧa jaqyndata otyryp, tüpnūsqanyŋ tereŋdıgı men qūndylyqtaryn saqtauǧa mümkındık beredı. Bız mūndai jobalar dästür men zamanaui ürdıstı qarsy qoimai, kerısınşe, bırıktırıp, ūlttyq mūrany özektı etedı dep senemız», – deidı «Baian Sūlu» AQ prezidentı Timur Sadykov.
«Mahabbat sertı» – tyiym salu, satqyndyq jäne qaiǧyly aiaqtalumen betpe-bet kelgen ekı ǧaşyqtyŋ hikaiasy. Joba käsıbi qazaq tılındegı dybystaumen jäne orys jäne aǧylşyn tılderındegı subtitrlermen ūsynylǧan. Sonymen qatar kompaniia serialdy qazaq tılıne dybystauǧa käsıbi dubliaj akterlerı tartylǧanyn atap öttı.
