Bügın — Qazaqstannyŋ ekı bırdei ǧaryşkerı, el maqtanyştary Toqtar Äubäkırov pen Aidyn Aiymbetovtıŋ tuǧan künı.
Sovet Odaǧynyŋ Batyry, KSRO ūşqyş-ǧaryşkerı, älemdegı 259-şy astronavt, Qazaqstannyŋ Halyq qaharmany Toqtar Äubäkırov biyl 79 jasqa tolyp otyr.
Ol 1946 jyly 27 şıldede Qaraǧandy oblysynyŋ Qarqaraly audanynda düniege kelgen. Täuelsız Qazaqstannyŋ ǧaryşqa jol aşqan alǧaşqy qadamy da däl osy azamattyŋ esımımen tyǧyz bailanysty. Toqtar Oŋǧarbaiūly 1991 jyly 2 qazanda Baiqoŋyr ǧaryş ailaǧynan «Soiuz TM-13» kemesımen kökke köterılıp, 7 kün 22 saǧat 12 minut ǧaryşta bolyp, ǧylymi zertteu jūmystaryn sättı oryndady. Ol biotehnologiia, metallurgiia, medisina jäne Aral teŋızı aimaǧyna qatysty zertteuler jürgızıp, ǧaryştyq ǧylymǧa zor üles qosty.
Al älemdegı 545-ınşı astronavt, Qazaqstannyŋ tūŋǧyş ǧaryşkerı, Halyq qaharmany Aidyn Aiymbetov bügın 53 jasqa toldy.
Ol 1972 jyly 27 şıldede Almaty oblysy Taldyqorǧan qalasyna qarasty Ötenai auylynda düniege kelgen. Aidyn Aqanūly 2015 jyldyŋ qyrküiegınde «Soiuz TMA-18M» kemesınıŋ bortinjenerı retınde ǧaryşqa sapar şektı. Ol Halyqaralyq ǧaryş stansiiasynda 10 kün boiy bolyp, Qazaqstannyŋ 5-şı ūlttyq ǧylymi baǧdarlamasyn oryndady. Būl zertteuler Qazaqstannyŋ ǧaryştyq ǧylymdaǧy täuelsız baǧyttaǧy qadamdarynyŋ jalǧasy boldy.
Aita ketu kerek, Toqtar Äubäkırov pen Aidyn Aiymbetovtıŋ ömır jolynda ortaq parallelder köp. Ekeuı de Armavir joǧary äskeri aviasiia ūşqyştar uchilişesın tämamdap, synaqşy-ūşqyş retınde qyzmet atqarǧan, keiın ǧaryşker märtebesıne ie boldy.
