Bügın - jazuşy, filologiia ǧylymynyŋ kandidaty Bekejan Tılegenovtıŋ tuǧan künı, dep habarlaidy "Adyrna" tılşısı.
Ol 1934 jyly 10 nauryzda būrynǧy Semei oblysynda tuǧan.
Qazaq memlekettık universitetınıŋ filologiia fakultetın bıtırgen student öz eŋbek jolyn respublikalyq gazetten bastaǧan.
Bekejan Tılegenov "Leninşıl jas" gazetınde ädebi qyzmetker retınde eŋbek jolyn bastaǧan.
Keiınnen bölım meŋgeruşısı, 1965 jyly partiialyq jūmysqa auysyp, Almaty qalalyq partiia komitetınıŋ ügıt jäne nasihat bölımınıŋ nūsqauşysy bolyp qyzmet atqardy.
«Qazaq sovet ädebietınıŋ internasionaldyq dästürlerı jäne onyŋ ūlttyq negızınıŋ baiu joldary» degen taqyrypta kandidattyq dissertasiia qorǧap, «Qūrmet Belgısı» ordenımen marapattalǧan.
Jazuşynyŋ "Taŋ nūry" atty äŋgımelerı, "Köktem de yzǧarly" atty povesı, "Aqqainar", "Tūiyq ömırdıŋ qūpiiasy", "Uaqyt" syndy bırqatar romandary men köptegen ädebi eŋbekterı bar.
Jazuşy Bekejan Tılegenov "Seksen altynşy jyl" eŋbegınde sol kezdegı saiasi jüie, Jeltoqsan oqiǧasy turaly alǧaş jazǧandardyŋ bırı.
Ol 1998 jyly ömırden öttı.
Ūqsas jaŋalyqtar
