Búgin - halyq jazýshysy, QR Memlekettik syılyǵynyń ıegeri, aqyn Qadyr Myrza Áliniń týǵan kúni.
Kórnekti tulǵa 1935 jyly 5 qańtarda Batys Qazaqstan oblysynyń Jympıty kentinde dúnıege kelgen.
1958 jyly Qazaq memlekettik ýnıversıtetiniń fılologııa fakýltetin támamdaǵan. Eńbek jolyn sol kezde jańadan ashylǵan balalar jýrnaly «Baldyrǵannan» bastaǵan. «Juldyz» jýrnaly redakııasynda poezııa jáne syn bóliminiń meńgerýshisi, jaýapty hatshy, bas redaktordyń orynbasary, 1968-1973 jyldary «Jazýshy» baspasynda qazaq poezııasy bóliminiń meńgerýshisi, «Balaýsa» baspasynyń redaktory, keıin Qazaqstan Jazýshylar odaǵynda poezııa sekııasynyń keńesshisi bolǵan. 1966 jyly «Oı ormany» jınaǵy úshin Qazaqstan Lenın komsomolynyń syılyǵy berildi. 1980 jyly «Jeruıyq» jyr kitaby úshin Qazaq KSR Memlekettik syılyǵynyń laýreaty atandy. 2001 jyly Táýelsiz «Tarlan» syılyǵyn aldy.
«Naǵyz qazaq – qazaq emes, naǵyz qazaq – dombyra» dep jyrlaǵan belgili aqynnyń tuńǵysh jınaǵy «Kóktem» 1959 jyly jaryq kórdi. Onyń keıbir óleńderi orys, nemis, eston, qyrǵyz, tatar jáne basqa tilderge aýdarylǵan. Orys tilinde 13 óleńder jınaǵy jaryq kórdi. Aqynnyń mektepke deıingi jáne bastaýysh mektep jasyndaǵy balalarǵa, orta jáne joǵary synyp oqýshylaryna arnalǵan óleńderden turatyn kitaptary bar.
Qadyr Myrza Áliniń óleńderi qazaq aqyndarynyń «Qazaq Sovet poezııasynyń antologııasy», «Respýblıkalardyń komsomoly 1969-1970 jyldardaǵy komsomol syılyǵynyń laýreattaryn usynady», «Qazaq balalar poezııasynyń antologııasy» sekildi ujymdyq jınaqtaryna engizildi.
Qazaqstannyń halyq jazýshysy, belgili aqyn Qadyr Myrza Áli ómiriniń sońǵy jyldary eki ret ınfarkt alyp, 2011 jyly 23-nen 24-shi qańtarǵa qaraǵan túni júregi toqtap qaıtys boldy.
