Memleket basşysy Qasym-Jomart Toqaev Äzerbaijan prezidentı İlham Älievpen telefon arqyly söilestı. Būl turaly bügın, 24 jeltoqsanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Qasym-Jomart Toqaev İlham Älievtı tuǧan künımen qūttyqtap, onyŋ bauyrlas äzerbaijan halqynyŋ igılıgı jolynda atqaryp jatqan jauapty memlekettık qyzmetıne tabys tıledı.
Qazaqstan basşysy Äzerbaijannyŋ egemendıgı men memlekettılıgın nyǧaituda, sondai-aq tūraqty ekonomikalyq ösımdı qamtamasyz etıp, elınıŋ halyqaralyq arenadaǧy bedelın arttyruda İlham Älievtıŋ airyqşa röl atqaratynyna toqtaldy.
Memleketter basşylary qazaq-äzerbaijan qatynastary qarqyndy damyp kele jatqanyn atap öttı. Strategiialyq serıktestık pen odaqtastyq bailanystardy odan ärı nyǧaitu, sauda-ekonomikalyq jäne mädeni-gumanitarlyq salalardaǧy yntymaqtastyqty küşeitu perspektivasyn talqylady.
Äŋgımelesu barysynda joǧary deŋgeide, sonyŋ ışınde İlham Älievtıŋ biyl 20-21 qazan künderı Qazaqstanǧa jasaǧan memlekettık sapary barysynda qol jetkızılgen uaǧdalastyqtardy sapaly jüzege asyruǧa erekşe nazar audaryldy.
Sonymen qatar prezidentter öŋırlık jäne halyqaralyq kün tärtıbındegı özektı mäseleler jönınde pıkır almasty.
Al Qazaqstannyŋ eks-prezidentı Nūrsūltan Nazarbaev Äzerbaijan prezidentın 19 jeltoqsanda qūttyqtap qoiǧan edı.
Eske salaiyq, būǧan deiın Qazaqstan Prezidentı Reseige TMD elderı basşylarynyŋ dästürlı beiresmi basqosuyna baryp qaitqan bolatyn. Äzerbaijan prezidentı İlham Äliev Täuelsız Memleketter Dostastyǧynyŋ beiresmi sammitıne qatysady delıngenımen, soŋǧy sätte odan bas tartqan.
